الحوار المتمدن
- موبايل
الموقع
الرئيسي
الحانوتي (تضامنا مع ثوار 25 يناير)
محمد حسين عبدالعزيز محمد
2013 / 1 / 28الادب والفن
الحانوتي
شباب ولسه حلمه بادي
لسه محلش عليه الحول
كل ذنبه قال بلادي
ليها الحق ولازم أقول
أنا مصري واصلي مصري
وعمري ما هييجي علي الدور
شباب ولسه في عقده الثاني
ورد مفتح,رحيق ماسور
عشان خمسه من أبو مسامير
علي الله يوماتي ف الطابور
ساعه عشره,يوم إتنين
مين يهتم, ومين مسئول
عاجبك تاخد وتحط ف بوقك
ولو مش عاجبك فارقنا وغور
وعشان مش لاقي ضهر ف ضهره
إتكسرت نفسه وعاش مقهور
وعشان وظيفه بكام ملطوش
طافح الكوته ما هو مجبور
كده خلاص جابت آخر
لازم وقفه, انا لازم اثور
وعشان قال كلمة لازم
بدات طبول الحرب تدور
قالها يعني ومكنش يعرف
إنه بيها حضر عفريت
سفاح ظالم ,قاتل فاسد
يوماتي يمسمر ف التوابيت
ضرب وسحل وذل وشتم
عايزين إيه يا ولاد التيـــــت
شاطح ناطح محدش قادره
الكل عبيده وهو السيد
يدي وياخد,يفتح يقفل
من غير أسباب من غير مواعيد
ولو فكرت إنك تسأل
مكانك ورا الشمس اكيد
رحله سفاري لأمن الدوله
تخرج منها بفكر جديد
ساخط,حاقد,ناقد,كاره
جواك من وطنك نار بتإييد
من خرم الإبره شايف حالك
وعمر ما طب النفس يفيد
|
التعليق والتصويت على الموضوع في الموقع الرئيسي
.. سائقات المشاهد الخطيرة يطالبن بالتمثيل العادل بين الجنسين
.. محمد إمام ينتهى من مشاهد فيلم شمس الزناتى في الفيوم
.. محمد صلاح طلع على المسرح يرقص مع محمد هاني وحماقي
.. كل الزوايا - الشركة المتحدة تنعي الكاتب الكبير فاروق صبري رئ
.. حاجة تحزن والله.. الفنانة رانيا فريد شوقي تعبر عن انزعاجها م