الحوار المتمدن - موبايل
الموقع الرئيسي


الحانوتي (تضامنا مع ثوار 25 يناير)

محمد حسين عبدالعزيز محمد

2013 / 1 / 28
الادب والفن

الحانوتي

شباب ولسه حلمه بادي
لسه محلش عليه الحول
كل ذنبه قال بلادي
ليها الحق ولازم أقول
أنا مصري واصلي مصري
وعمري ما هييجي علي الدور

شباب ولسه في عقده الثاني
ورد مفتح,رحيق ماسور
عشان خمسه من أبو مسامير
علي الله يوماتي ف الطابور
ساعه عشره,يوم إتنين
مين يهتم, ومين مسئول
عاجبك تاخد وتحط ف بوقك
ولو مش عاجبك فارقنا وغور
وعشان مش لاقي ضهر ف ضهره
إتكسرت نفسه وعاش مقهور
وعشان وظيفه بكام ملطوش
طافح الكوته ما هو مجبور

كده خلاص جابت آخر
لازم وقفه, انا لازم اثور
وعشان قال كلمة لازم
بدات طبول الحرب تدور
قالها يعني ومكنش يعرف
إنه بيها حضر عفريت
سفاح ظالم ,قاتل فاسد
يوماتي يمسمر ف التوابيت

ضرب وسحل وذل وشتم
عايزين إيه يا ولاد التيـــــت
شاطح ناطح محدش قادره
الكل عبيده وهو السيد
يدي وياخد,يفتح يقفل
من غير أسباب من غير مواعيد
ولو فكرت إنك تسأل
مكانك ورا الشمس اكيد
رحله سفاري لأمن الدوله
تخرج منها بفكر جديد
ساخط,حاقد,ناقد,كاره
جواك من وطنك نار بتإييد
من خرم الإبره شايف حالك
وعمر ما طب النفس يفيد

---

---

---

التعليق والتصويت على الموضوع في الموقع الرئيسي

---

.. وفاة زوجة الفنان أحمد عدوية


.. طارق الشناوي يحسم جدل عن أم كلثوم.. بشهادة عمه مأمون الشناوي




.. إزاي عبد الوهاب قدر يقنع أم كلثوم تغني بالطريقة اللي بتظهر ب


.. طارق الشناوي بيحكي أول أغنية تقولها أم كلثوم كلمات مش غنا ?




.. قصة غريبة عن أغنية أنساك لأم كلثوم.. لحنها محمد فوزي ولا بلي