الحوار المتمدن
- موبايل
الموقع
الرئيسي
قصيدة أسد الشعر العربي و الوطن ..... أو ( أنا و الوطن )
جمال الشرقاوي
2013 / 2 / 14الادب والفن
![](https://www.ahewar.org//debat/images/fpage/art/2.jpg)
أنا مش هشحت وطن
من مجرمين
و لا هأجر وطن من شحاتينْ
أنا هدافع عنـَّـك بكل ما أملك
يا وطن الحيارىَ و الغاضبينْ
أنا ..... و الوطن توأمِي
جسم واحدْ
قلب واحدْ
عقل واحدْ
ليه الإخوان و السلفيينْ
بيقسِّـمونا اتنينْ ؟؟؟!!!
دولة نصارىَ و مسلمينْ !!!
أنا و الوطن
فــ الإنسانية بني آدمينْ
روح واحدة
مش مذاهبْ
كله ذاهبْ
لرب واحد
فــ وقت واحد
لو لينا ألف دينْ
أنا و الوطن
مش طوايف
م الكل شايف
ليه يفرَّقونا
يبعدونا
يعذبونا
يسحلونا
ليه يخلونا يــ ناس فريقينْ
ليه يخلونا متناحرينْ
نجرح بعض
نكره بعض
و لاَّ نقول مين مع مينْ
أسد الشعر العربي بيسأل
الإخوان و السلفيينْ
منهم فيهم أهل الدينْ ؟!
و الليبرالي
و العلماني
و لا يساري
و لا مُعَارض دُول كافرينْ ؟!
أسد الشعر العربي بيسأل
أم نقاب من أهل ( الجنة ) ؟!
و ام حجاب ليها ( الأعراف ) ؟!
و المتظاهرة و المحتجة
إفتي و قول يــ سيادة المرشد ؟!
م التحرير للمصريين !!!
المتظاهرة دي أمي و أختي
ليه تجرحوا فيهم عفتهم ؟!
ليه ناويين تقتلوا كرامتهم ؟!
ليه عايزين تفضلو خاينينْ ؟!
و لاَّ ابو دقن الشيخ و العابدْ ؟!
أربع نسوان يبقىَ دة زاهدْ ؟!
و اللي بيحلق دقنه دة فاسق ؟!
عايش بين المَـنزلتينْ ؟!
يــ أهل الإسلام السياسي
فــ إيديكو الحل الديبلوماسي
من غير الشباب م يموت
من غير م الوقت يفوت
ترحلوا و انتو ندمانينْ
تدراوا عاركو و كدبكوا
تسيبو مصر لأهلها
مصر يـــ ناس للمصريين
أسد الشعر العربي قالها
أنا و الوطن
مش خايفين أبداً منـُّــكم
و لا يرعبنا فــ يوم سجنكم
إضربونا
إسحلونا
إقتلونا
هيجي غيرنا ألف شعب
ألف جيل طالع جديد هيذلكمْ
و هترجعوا مُشتتينْ
أيوة يآ تنظيم و سري
أيوة يآ حزب العجايز
و الطرايف و الغرايب
يآ جماعة محظورينْ
أنا و الوطن
عايشين ألمْ
ناكل ندمْ
نشرب دموعْ
لمَّا انخدعنا فــ الملالي المجرمينْ
إللي أفتوا حلال جماع المَيِّـتينْ
و اللي أفتوا بالرضاعة للكبير
و اللي أحلوا دم ( ميكي ) إبن ( ماوس ) !!!
هما دول الآثمينْ
شوفوا كام شهيد شاهدينْ
طير و أخضر فــ الميدانْ
رغم جمع البلطجية
و السفالة الإخوانجية
بتحمي ثورة فــ مهدها
من حراميَّة و شيَّاطينْ
م الإخوان و السلفيينْ
فــ الميدان متخفيينْ
أنا و الوطن
ماسكين فــ بعض
حاضنين بعض
ضهري فــ ضهرك يــ وطن
يــ نعيش سوىَ أو مقتولينْ
بس افتكرني يــ وطن
لو قتلني الغدر عافية
و اترميت ع الأرض منك يوم طعينْ
غرقان فــ دمي و إيدي فــ إيدَك
إفتكرني يــ وطن
لو بقيت يوم شهيدَك
مهما هتعدِّي السنينْ
أسد الشعر العربي
يآ وطن لسة حبيبك
عدِّي بيَّه يآ وطن بين ربوعَك
قبل م انزل فــ الترابْ
بُعدي عنك دة العذابْ
ساعتها مش هبقىَ حزينْ
القاهرة - فبراير - ليلة الأربعاء 13 - 2 - 2013 م الساعة 3 ليلا - جمال الشرقاوي - كاتب وشاعر -
|
التعليق والتصويت على الموضوع في الموقع الرئيسي
.. -مستنقع- و-ظالم-.. ماذا قال ممثلون سوريون عن الوسط الفني؟ -
![](https://i4.ytimg.com/vi/7y2aEzQcOfs/default.jpg)
.. المخرج حسام سليمان: انتهينا من العمل على «عصابة الماكس» قبل
![](https://i4.ytimg.com/vi/oYDkCRlSHu0/default.jpg)
.. -من يتخلى عن الفن خائن-.. أسباب عدم اعتزال الفنان عبد الوهاب
![](https://i4.ytimg.com/vi/BOEahTfCdvs/default.jpg)
.. سر شعبية أغنية مرسول الحب.. الفنان المغربي يوضح
![](https://i4.ytimg.com/vi/tnv_JwUbaIg/default.jpg)
.. -10 من 10-.. خبيرة المظهر منال بدوي تحكم على الفنان #محمد_ال
![](https://i4.ytimg.com/vi/fnZxGFKNNas/default.jpg)