الحوار المتمدن
- موبايل
الموقع
الرئيسي
كيف يفكر الملتحون- حوار واقعى
بيشوى ريمون
2013 / 2 / 16مواضيع وابحاث سياسية
![](https://www.ahewar.org//debat/images/fpage/art/4.jpg)
المشهد نهار خارجى..مكتبة متواضعة فى الزيتون تعرض منتجاتها من هدايا عيد الدعارة المسمى بالفلانتين
الابطال انا رايح الف هدية الفلانتين و شيخ ملتحى و الشاب صاحب المكتبة و صديق له
الشيخ: يعنى احنا فضلنا التمنتاشر يوم بتوع الثورة مطلعش لفظ واحد قليل الادب على مبارك,,يقوم شوية العيال دول يشتموا فى الريس مرسى كده؟
انا : مين قالك كده يا شيخ؟ انا واحد من الناس اللى شتمت فى مبارك لحد ما جالىالتهاب فى الزور من كتر الشتيمة؟
الشيخ: بقولك محدش شتم؟ انا مشتمتش
انا: و الله انت راجل محترم و مش بتشتم..انما انا مش محترم و بشتم و بعدين متعممش ..مكتتكلمش الا على نفسك
الشيخ:طيب و مش عيب تشتم؟ شتمت مبارك ليه؟
انا ضاحكاً: واحد بيقتل اخوانا فى الميدان و مش عايزنى اشتم؟
عشان كده انا شتمت مبارك و بشتم فى مرسى
الشيخ: و تشتم مرسى ليه هو مرسى قتل حد؟
انا ضاحكاً مرة اخرى: انت تعرف مبارك اتحكم عليه بالسجن؟ عشان لن يصدر امراً بوقف قتل المتظاهرين ,يعنى مرسى ده المفروض يبقى مكانه السجن دلوقتى
الشيخ: ماهو مرسى اصدر امر لوزير الداخلية بعدم التعرض للمتظاهرين بس الوزير هو اللى مش بيسمع الكلام (و الله قال كده فعلا)
انا و الضحكات تكاد ان تفشخنى فشخاً : يبقى رئيس بقرون ولا مؤاخذة يا حج (و اشرت باصابعى حول رأسى ممثلاً وضع القرون)
الشيخ مستطرداً: و بعدين هو اصلاً حد حصل ليه حاجة؟ ماهو محمد كريستى خبطته عربية و حمادة هو اللى قلع هدومه بنفسه
انا : و خالد سعيد هو اللى بلع لفافة البانجو و شهداء الميدان ماتوا من ضربة شمس
الشيخ:شكلك بتتريق..
انا :معاذ الله
الشيخ:على فكرة انا مش اشهر الناس اللى كنت فى الثورة و مشهور جداً هناك
انا:على فكرة انا اول مرة اشوفك اصلاً (ضحكات شيطانية رقيعة)
الشيخ و الشرار يبدو علي وجهه:انت نزلت الثورة اصلاً ؟ (و كان الثورة مكان للترفيه)
انا: ايوه و من اليوم الاول كمان , (و امعاناً فى الغيظ) و عمرى ما شوفتك ولا حتى لمحتك هناك , ثم يا حج اللى عامل فيها ثورجى مش بيقول كده و يتباهى قدام الناس و كأنها مسابقة,مشاركتك فى الثورة كأنك بتعمل خير لامك المريضة..مش محتاج كل شوية انك تتباهى قدام الناس انك بتساعد أمك العيانة
الشيخ و الغضب يبدو جلياً على وجهه: انت فاكرنى واحد اي كلام؟ على فكرة انا ثورجى و من 7 سنين
انا : و انا كمان
الشيخ :وعلى فكرة انا مهندس
انا: و انا كمان
الشيخ و قد بدأ يفقد اعصابه: قولى عملت ايه قبل الثورة؟
انا ضاحكاً: انضميت لحركة كفاية 2005 و بعدها 6 أبريل و بالنسبة للاحزاب بدأت مع الجبهة الديموقراطية ثم الغد ثم المصريين الاحرار ثم الدستور
الشيخ:بتاع البرادعى؟ الراجل ده مش كويس على فكرة و هيودى مصر فى داهية
انا و قد تحول الحديث الى ما يشبه الردح بين السيدات العجائز:عاجبنى و بحبه ..و أحسن من المرشد بتاعكوا
هنا عاجله صاحب المحل بقوله:مرسى ابن كلب و اوسخ من مبارك,,و من فضلك يا حج هنا مكان أكل عيش ,عايزين نشتغل
الملخص
انهم عالم مجانين مصدقين بجد ان حمادة قلع لوحده و ان كريسى خبطته عربية و ان مرسى هو سادس الخلفاء الراشدين
و اننا عالم مجانين مصدقين اننا عملنا ثورة و مستنين الخير يجى بكره
|
التعليق والتصويت على الموضوع في الموقع الرئيسي
التعليقات
1 - لكن قنديل برئ
هانى شاكر
(
2013 / 2 / 16 - 11:19
)
أفتى ألدكتور هشام قنديل أن قرض ألبنك ألدولى .. وألذى تحتاجه مصر أيما أحتياج فى ألظرف ألراهن .. هو حرام شرعا ... إلا إذا غسلت مديرة ألبنك - ألسيدة كريستين لاجارد - يديها قبل ألتوقيع على ألقرض ..لكى لا يموت ألجنيه ألمصرى بألأسهال !
....
.. حجاج بيت الله الحرام يواصلون رمي الجمرات وسط تحذيرات من ارتف
![](https://i4.ytimg.com/vi/lU4A011zoKA/default.jpg)
.. حملة انتخابية خاطفة في فرنسا.. وأقصى اليمين في موقع قوة
![](https://i4.ytimg.com/vi/NUl3xvbw-oA/default.jpg)
.. استمرار جهود وحملات الإعمار في الموصل بعد 7 سنوات من القضاء
![](https://i4.ytimg.com/vi/FS43E6ZPl-w/default.jpg)
.. هوكشتاين في إسرائيل لتجنب زيادة التصعيد مع لبنان
![](https://i4.ytimg.com/vi/nNbtjgofesA/default.jpg)
.. أطفال غزة يحتفلون بثاني أيام العيد مستذكرين شهداءهم
![](https://i4.ytimg.com/vi/78yF0UAQ4fc/default.jpg)