الحوار المتمدن
- موبايل
الموقع
الرئيسي
نعي مصر ... قصيده قصيرة ... إلي روح أستاذ مصر الدكتور جمال حمدان
أسعد أسعد
2013 / 2 / 19مواضيع وابحاث سياسية
![](https://www.ahewar.org//debat/images/fpage/art/2.jpg)
مين يا دُكتُر ها يخلي باله م العيال
لو قلت مصر
ضحكتني م الصبح لبعد العصر
مين اللي بتتكلم عليها يا دُكتُر
لو قلت مصر
يادي المصيبه هو لسه فيه بلد إسمها مصر
ما تسأل البكباشي جمال
لما شال إسمها م التاريخ
وخلاها عربيه متحدة مع شوية عيال
لو قلت مصر
ده كان زمان
لما أسّسسها مينا و خوفو و خفرع
في سالف الدهر و الأوان
و إسأل الست اللي غنت
عا الخلق اللي واقفين يشهدوا
مين اللي بني المجد و فيها بني الإهرامات
خليها مستورة و إسمع الحقيقه
و الشعر بتاع النهار ده
مش الشعر بتاع المجد اللي فات
إسمع
و قف الخلق ينظرون جميعا ... كيف أهوي و سقوطي للوري يدوي
و بناة الأهرام غطاهم القبر ... و ضاع الكلام و لم يبق غير خزيي
انا رمز الغباء في كافة الشرق ... و مزبلته ضفافي و نيلي و ارضي
ما رماني رام الا اصاب مني... الشرف و استاسد الفئران من بعدي
انا قد قدر الاله مماتي ... فلذا تري الشرق صعاليكه تهتك عرضي
خلاص ضاعت مصر
و إتبدلت أحوال
و بعد ما كانت قصر
أصبح قصرها أطلال
و الشعب اللي رفع الرايه لصلاح الدين
سلمها بذل و عبوديه لشارون و رابين
و تقول لي مصر
ما ماتت أم الولاد
حرقوها عبّاد الحجر
و مافاضلش منها إلا شوية رماد
قال إيه ... قالوا علي نفسهم إخوان
سرقٌوا ثورة شباب البلد
و أستولوا علي ثمرة الميدان
و بالغش و التزوير و الزور و البهتان
جابوا رئيس ملتحي هربان من اللومان
ضحك علي مصر و قرا لها النهضه في الفنجان
قدامِك سكة سفر يجيلِك منها الخير أشكال علي الوان
و شخبط لها دستور ما يفصّلوش شيطان
حط في بنوده السم أشد م التعبان
قسم البلد و خربها و اتشتتوا الولدان
و مات الشباب في الشوارع و الدم ملا الميدان
و الشرطه و يا الجيش و الضرب في المليان
و جنازه تلحق جنازه شباب و رجاله و بنات و نسوان
و اتشقلب حال البلد و حل عليها الخوف و طار منها الأمان
و صار الغراب ينعق بدل ما تغني البلابل مع الكروان
لك يا مصر السلامه و سلاما يابلادي
ان رمي الدهر سهامه فاتقيها بفؤادي
و اسلمي في كل حين
قصدي
لنا يا مصر الندامه في انهيارك يا بلادي
قد رمي الدهر سهامه فما وقاك منها فؤادي
و خرابك صار مبين
و الفاتحة علي روحك يا مصر
ولا الضالين
آمين
|
التعليق والتصويت على الموضوع في الموقع الرئيسي
.. الولايات المتحدة .. قواعد المناظرة الرئاسية | #الظهيرة
![](https://i4.ytimg.com/vi/dTHbjgiDZqU/default.jpg)
.. في أول أيام عيد الأضحى.. مظاهرة قرب السفارة الإسرائيلية بعما
![](https://i4.ytimg.com/vi/3s-e_3C0aqs/default.jpg)
.. بسبب منع وصول المساعدات.. غزيون يصطفون في طوابير طويلة من أج
![](https://i4.ytimg.com/vi/4Ko4vHjyxxk/default.jpg)
.. الجيش الإسرائيلي ينفي وقف إطلاق النار في جنوب قطاع غزة
![](https://i4.ytimg.com/vi/Ltgn5uZvU0M/default.jpg)
.. حفظة القرآن بمدينة غزة يتلونه كاملا بجلسة واحدة في يوم عرفة
![](https://i4.ytimg.com/vi/O0eEa1E5kYQ/default.jpg)