الحوار المتمدن - موبايل
الموقع الرئيسي


حسن سلوك

حازم الحر

2013 / 2 / 21
القضية الفلسطينية


مواطن شريف لا ينتمي الا لفلسطينيته لا فتح ولا حماس ولا جبهة ولا ولا طلب منه حسن سلوك لأتمام معاملة ما في احدى مؤسسات السلطة .
وطبعا ولأن يوم الطحان يوم - مثل فلسطيني - يقال لمن سيقضي يومه في الطاحون وبدأ المشوار .
المواطن في مكتب خدمات وكتابة طلبات
صباح الخير -- بدي اعمل معاملة حسن سلوك شو المطلوب ؟
صاحب المكتب -- اهلا وسهلا صباح النور شوف يا سيدي اولا صور وطلب بسيطة صح ؟
الموطن - اهاااا ماشي
صاحب الكتب يحضر الكميرا ويقول للمواطن اطلع عالشاشة وبلمحة بصر ... تك وخلص
وبدات الصبية بالطباعة وصور الهوية ودقائق وخلص
50 شيكل او ما يعادل 10 دنانير اردنية !!!!
ودفع المواطن طبعااااا
وبدأ المشوار لتسليم الطلب لوزارة الداخلية ناس فوق ... وناس بتمر من فوق الناس وبتدعس عليهم لتوصل وبتستقبل بالاحضان من من يا ويلك اذا اعترضت عليهم
ووفق المواطن عالدور ورا المساكين وبعد ساعة او اكثر وعشرات المعاملات تمر من الداخل ومعاملة للواقفين تمر من الدور واخيرا سلم المواطن المعاملة واستلم الوصل .. راجعنا بعد اسبوعين قالت الموظفة .
اسبوعين اسبوعين ردد المواطن مع انه في ناس في يومين !!!
ومرت الايام رن خلالها هاتفة الجوال لانه طلب منه رقمه على الطلب وكان سوال من جهة المخابرات العامة يساله المتصل وبكل ادب انت وين ساكن لنسال عنك ؟؟؟!! وانتهت الاسبوعين ... وراح المواطن يحمل الوصل لاستلام حسن السير والسلوك وسلمه لموظف التسليم وفتش الموظف في اوراق مبعثرة امامه وقال للمواطن لسا ما وصل جواب الامن الوقائي روح عليهم وشوف
وين اروح ؟ علامن الوقائي ؟؟ وين عنوانهم ؟
دله الموظف من مناخيره !! كما يقولون
ورح عالأمن الوقائي وعالباب هويتك يا حج اعطاهم وطلبو منه الجلوس والانتظار وطاااااااااااال الانتظار وظهر بعدها موظف مؤدب وسال عن أ سمه وطلبه لمكتبه
اتفضل اجلس قال الموظف
وبدأت الاسئلة وين ساكن ومين اولادك وبناتك واعمارهم وعملهم ومين جيرانك واعمارهم ونسايبك ومين المتزوج ومين الاعزب وتخيلوا !!!
قال الموظف او الضابط - بكرا بتراجع مكتب الاستلام وبنكون بعتنالهم موافقتنا
شكراا وخرج المواطن او الطحان لانه حرق كمان نصف يوم وراح اليوم.
ومن الصبح عالداخلية وسلم الوصل للموظف
لسا ما وصل رد الموظف تعال ع الساعة واحدة
ورجع وحرق كمان يوم وستلم حسن السلوك ونفسه يقطعه !!!! 3 ايام في هالظروف الصعبة والله حرراام
ويا ريت لو معالي وزير الداخلية تدخل ويخفف عن الطحانين .. قصدي المواطنين





التعليق والتصويت على الموضوع في الموقع الرئيسي


التعليقات

1 - مساء الخير لجميع الطيبين
حازم الحر ( 2013 / 2 / 21 - 10:03 )
اعتذر عن بعض الاخطاء الاملائية .. كنت معصب شوي وما راجعت

2 - وبتقوللي يا استاذ حازم انو رح نتقدم؟
بشارة خليل قـ ( 2013 / 2 / 22 - 01:44 )
نعم نسير بتسارع منذ عشرات السنين بالتقدم نحو الخلف
لي قصة شخصية مع موظفين السلطة (برفع السين او نصبها , على ذوقك) هاي يا سيدي بعد ما نشف ريقه لصاحبي وهو يحضر لنقلية مرتديللا ايطالية, قبل 3 سنين, هبطت عليه قصة منع اسرائيل (والاردن للي مش عاجبه) من استيراد اي منتجات يدخل في صناعتها لحم الخنزير كالصاعقة...وجاء الحل عن طريق اقتراح من احد الاصدقاء بجلب الحمولة عن طريق السلطة (الضفة) وفعلا علمت مدى ورع وتقوى الموظف (والموظفة) المؤمنين الشطورين: كل موظف كان على صديقي دفع ما لا يقل عن مائة دولار من تحت الطاولة لتمرير المعاملة - كما تقول من مناخيره - طيب مش كان الوضع احسن لما كانت الزفت اسرائيل محتليتنا؟
تحياتي ولا تغضب , فانت تضر بنفسك وفقط

3 - صباح الخير اخي بشارة
حازم الحر ( 2013 / 2 / 22 - 09:00 )
عفكرة اسمك مثل اسم معلمي منذ الطفولة لك وله كل للاحترام
معك حق اخي فاينما ذهبت أدفع لتسلك او ليكن شريكك واصل . المهم احنا غنينا واشترينا اعلام وحرقتنا شمس اريحا ونحنا نستنا لنستقبل الاحرار بتذكر ؟؟ . صدقني انكسرت عصا العلم مع طفلي رحت اشتريت مكنسة كاملة بعشرين شيكل لحط العلم عليها واستقبلنا وتصورنا وفرحنا بالفرج والحرية وانسحبت اسرائيل واجت السلطة ( بالرفع او النصب ) عرأيك ومن يومها ما شفنا الا احكي والوعود وراها وعود وصفينا عالعود .حتى الربيع العربي صار خريف .في مثل في الشارع الفلسطيني - بتعرف شرطي بتلغي مخالفة .. بتعرف ضابط بتلغي محكمة - والباقي عندك يومك سعيد

4 - دولتنا الرشيدة
فرح عودة ( 2013 / 2 / 24 - 13:00 )
ومشكلتى اكبرمن ورقه او تصدير مرتيدلا انا اطالب بحقى فى عمل جواز سفر لبنتى للهجرة للنرويج

5 - صباح الخير
حازم الحر ( 2013 / 2 / 25 - 04:37 )
اخي فرح
صدقت .. المشكلة ليست في ورقة يرتبط فيها مصير زوجة ولا في مرتديلا وضع في شحنها تاجر كل ما يملك ولا في زواج سفر لأبنتك للهجرة ... المشكلة في نظام فاسد تسوده المحسوبية والرشاوي والقانون على ناس ولناس .مع احترامي للقلائل الشرفاء والذين تم تهميشهم حتى لا يكونو عقبة امام المنافقين و يمكن انت ما عرفت أي باب تدق . اتمنى ان تحصل ابنتك على زواج سفرها لتهاجر ولا اظنها ستشتاق للعودة . ولو بتحب اساعدك او انك مش موجود بالمنطقة بيسعدني . راسلني على ايميلي
[email protected]
يومك سعيد وهادي

6 - ليومك قريب
حازم الحر ( 2013 / 3 / 6 - 15:23 )
اهذه اخلاق من يصومون كل اثنين ويطعمون العصافير ؟؟؟

اخر الافلام

.. الصور المفبركة.. سلاح جديد في حرب الإعلام بين حزب الله وإسرا

.. الجيش الإسرائيلي يؤكد مقتل حسن نصر الله وقياديين آخرين في حز



.. اللبنانيون ينصبون خياما وسط بيروت هربا من قصف إسرائيلي مكثف


.. هل شاركت الولايات المتحدة في العملية الإسرائيلية ببيروت؟ وزي



.. عاجل | رئيس الأركان الإسرائيلي يكشف كيف تم اتخاذ قرار اغتيال