الحوار المتمدن - موبايل
الموقع الرئيسي


ارفع إيديك

سليمان الزهيري

2013 / 3 / 15
الادب والفن


ارفع إيديك
****
ارفع إيديك بالإشاره وقول أنا بغرق
ماعدش فاضل كرامة لنبي بين أهله أو ناسه
كل اللي كان يشبهك يااتذلوا يااتداسوا
مافضلشي غير أراجوزات على رقاصين سلم
على بياعين أوطان بيتاجروا بدمانا
ماسابوش عشان حلمنا مطرح ولا خانة
استولوا ع النور وعبوا الضي ف جيوبهم
ضربوا بنفس السلاح أبو غاز ودخانه
شاور على صلبتك عز الهوا والريح
شاور على اللي باعوك
وانت مصاب وكسيح
سكنوا القصور اللي نورها يزغلل المرايات
وزجوا بيك للأسف ف أضيقها زنزانة
سابوك ع الأرض مرمي كإنها إملا
كل اللي كاتبه يعاد
تعاد الثورة م الأول
ماهي ثورة من غير رؤوس تبقي ماهش كامله
ودي مش رؤوس تشبهك
دي رؤوس أفاعي بتنشط والجموع خامله
ما عدش شيء يخدعك ما فيش خداع تاني
عرفت مين اللي سرقك وانت بتعاني
مكتوب عليك الحكاية تعيدها م الأول
بس النوبادي بدون
سلفي واخواني
ارفع إيديك بالإشارة وقول أنا آسف
ما كنش قصدي تموتي
واحنا بنجازف
ما كانش قصدي أسيبك للي ما يسوى
مستعبدين الفقير بالأكل والكسوة
ومكسرين الرقاب
لما الوطن نازف
يا خسارة الحلم لما بيملكه الأفوات
ويسلموه للي يعرف منه يسترزق
حمامات على البرج بيضا والنهار أزرق
يعني ف جميع الصور ما عدش قدامكم
مجال لنفس الغُنا
تعب الغُنا منكم
اللعب صبح النهارده ما بيننا ع المكشوف
يا الثورة تملك وتحكم
يا إما احنا
يا إما أنتم









التعليق والتصويت على الموضوع في الموقع الرئيسي


اخر الافلام

.. الشباب الإيراني يطالب بمعالجة القضايا الاقتصادية والثقافية و

.. كاظم الساهر يفتتح حفله الغنائي بالقاهرة الجديدة بأغنية عيد ا



.. حفل خطوبة هايا كتكت بنت الفنانة أمل رزق علي أدم العربي في ف

.. فرحة الفنانة أمل رزق بخطوبة ابنتها هايا كتكت وأدم العربي داخ



.. أون سيت - الأسطى حسن .. نقطة التحول في حياة الفنان فريد شوقي