الحوار المتمدن - موبايل
الموقع الرئيسي


بيع يا بديع

أسعد أسعد

2013 / 4 / 17
الادب والفن


بيع يا بديع و إقبض من بره
بيع الأمه و بيع الشعب و بيع الثوره
بيع ابو الهول بيع النيل
و بيع أهرامنا كمان بالمره

مصر العزبه واقعه في أزمه
و السكاكين كترت حواليها
ده إخوانجي و دا سلفنجي
و ده دلال بيبيع جواريها

بيع يا بديع ... ما هي مصر غنيمة
من يوم عمرو ما دخّل فيها
قتل و نهب و سبي و سرقه ...
و حلل ليكم كل جريمه

بيع يا بديع ... ما هي مصر غريبه
قصر و بحر و جنه عجيبه
من أسوان لاسكندريه
و الاقصر كان أصلها طيبه
اما عشيرتك إنت و أهلك
جاي من صحرا حرقت جلدك
جاي جعان هربان من فقرك
إسرق إنهب كوم كوش
و إبعت لأهلك في العربيه

بيع يا بديع ما هي أصلها سايبه
كل ولادها خيخه و خايبه
ضحكت عليهم بالقرآن
مشيو وراك زي الخرفان
فين العيش و فين الحريه
و فين عدالة الإجتماعيه
شالوا مبارك و الحراميه
و لبسوا مرسي السلطانيه

بيع يا بديع بيع سينا لغزه
لا عاد فيه كرامه و لا لينا عزه
الظباط إتقتلوا في سينا
و الريس بيأرطس فينا

بيع يا بديع شلاتين و حلايب
ماهو مال أهلك مالنا السايب
قول لمرسي يختشي علي دمه
هي بلدنا دي مصر مش أمه
و السودان طول عمرها لينا
نيلنا واحد و خيره مالينا
و أهل النوبه دول أهالينا
و اللي بيجري عليهم برضه
يلف يلف و يرسي علينا

بيع يا بديع لشارون و بيريز
بيع لأوروبا و الإنجليز
و أوعي تنسي أمريكا الحلوه
بتدفع كاش بس ماهيش هبله
و البنك الدولي بيدي معونه
ياخدها تاني بشروط ملعونه

بيع يا بديع ... ما يهمك طظ
زي ما قالها عاكف ... طظ
اللي يحاسبك قول له ... طظ
و اللي يعاتبك ... برضه طظ
و اللي يقولك مصر بتخرب
قوله مصر و اللي جابوها
و اللي عايشين فيها ...طظ .. طظ





التعليق والتصويت على الموضوع في الموقع الرئيسي


اخر الافلام

.. نقيب المهن التمثيلية يكشف حقيقة شائعة وفاة الفنان حمدى حافظ


.. باراك أوباما يمسك بيد جو بايدن ويقوده خارج المسرح




.. حوار من المسافة صفر | المسرحية والأكاديمية عليّة الخاليدي |


.. قصيدة الشاعر العقيد مشعل الحارثي أمام ولي العهد السعودي في ح



.. لأي عملاق يحلم عبدالله رويشد بالغناء ؟