الحوار المتمدن - موبايل
الموقع الرئيسي


بطليت

سامي عبد المنعم

2013 / 5 / 11
الادب والفن

بطلت ...
ماريد منك طيف
بس خليني أنسه
بطلت أعلگلك ادموعي شمع
تحسبها ونسه
بطليت ...
ياما صبرت الليالي
أو عمرتلك ألف كاس
أو ما إجيت ...
انته شايف ثگل حزن الليل
لو طار النعاس
أوصارت إسنين الدقايق
مثل حزن الكاوي ابلاية ربابه
او حال بلبل
يعتني البستان وايشوفه خرابة
او جيب ليل
او ودي ليل
وانته بس اتريد تسمع
من سهر جفني عتابه
آنه مرات امنشوفك
چني شفت الكون كله
غفله ياخذني الوكت
لو ردت أجيسك
اتغيب روحي وأطفه وحدي
مثل رازونة سجن
زقفلها شرطي اوراح
والمفتاح بيدة
أيسيت ...
أو صار أثر زنجار بيه
أو تدري بالزنجارمن يولي الحديدة
تلوهتني أو خلص خلگي
وإنته خلگك خلگ شاعر
من يذب شص القصيدة
طولك إمراية عرس كلش جديدة
أو عرس گمرة
وآنه چن وحشة مسيت اغروب
والدنية ممطره
إتروح صفنه
أو ترد حسرة
آنه مللت الخسارات
أو بعد خايف على شنهو الاخسره
دير كاسات الونين
أو عيش يومك
طفي كلشي وإنتشي
أو خل تلعب ابراسك الخمرة

---

---

---

التعليق والتصويت على الموضوع في الموقع الرئيسي

---

.. صراحة مطلقة في أجوبة أحمد الخفاجي عن المغنيات والممثلات العر


.. بشار مراد يكسر التابوهات بالغناء • فرانس 24 / FRANCE 24




.. عوام في بحر الكلام-الشاعر جمال بخيت يحكي موقف للملك فاروق مع


.. عوام في بحر الكلام - د. أحمد رامي حفيد الشاعر أحمد راي يتحدث




.. عوام في بحر الكلام - الشاعر جمال بخيت يوضح محطة أم كلثوم وأح