الحوار المتمدن - موبايل
الموقع الرئيسي


حبيبي ...

شيرين سباهي

2013 / 5 / 27
الادب والفن

حطيت جدمي بالغلط حسبالي الكاع رصينة ...

مادريتك تتغير وي هبوب الريح..

و گلبك بيد الوكت طينة ...

ومادريت ليلك طويل .....وياكثر ونينه ...

طعناتك أهواي ومن ياجرح بيهن أشفى ...

تذكر من كعدنا الليل من نومه..

ونام الفجر أعلى جتفه ...

حبيبي ...

لأجل عينك بكت من الوكت صدفة ...

ولأجل عينك ....غيرت خارطة روحي .....

ورضيت بعالم المنفى ..

ولجل عينك الجمرة من أضلوعي صارت تتدفا ...

وكل ظنتني دموعك اللي .... مادريت بعينك بيا تتشفى ..

صرت أخاف من النوم ...

ما أريد عيني عن ظلك تصد ...

ولو دك النعاس باب الرمش ...

أ گلك بروحي اللبد ...

تهت بين الوله والجرح ... ونسيت ياجرح بيهن أسد

أسكت الشو گ .... ويصرخ الشغف وبنص كلبي يكعد ...

حبيبي ...

هذا موسم الحصاد ...هم وألم وحزن ..

وشماتريد من روحي أحصد ...

---

---

---

التعليق والتصويت على الموضوع في الموقع الرئيسي

---

.. مهرجان كان السينمائي - عن الفيلم -ألماس خام- للمخرجة الفرنسي


.. وفاة زوجة الفنان أحمد عدوية




.. طارق الشناوي يحسم جدل عن أم كلثوم.. بشهادة عمه مأمون الشناوي


.. إزاي عبد الوهاب قدر يقنع أم كلثوم تغني بالطريقة اللي بتظهر ب




.. طارق الشناوي بيحكي أول أغنية تقولها أم كلثوم كلمات مش غنا ?