الحوار المتمدن - موبايل
الموقع الرئيسي


ضفيرة

مزمل الباقر

2013 / 5 / 28
الادب والفن


طاشت ..
من دِيسِك (1)..
لاكين ..
ما كانت ...عايرة ..

بس .. جاها السوط (2)
من مسكت .. إيدك
ليها ..

زاغت ..
من دِيسِك ..
ومدت لي .. لسانا

ضفيرة .. حليوة زي
عينيك
بريدا ...

زي .. فاطرك(3)

(فِتَيكا .. فِتَيكا)(4)

لمن .. مالت علي
حاجبك..

ضحكت .. شامة
سكنت .. حاجبك

"أكلت .. منك
حته"

شردت ..
من .. ديسك
خصلة

ولكزت في .. حس
الشعر ..

اللي .. اتاقل .. ولا أظنو ,,
اتجهجه.. لمن
شافك...

إلا .. الخصلة
الطاشت .. منك
شالت الشيلة ..... براها

صحت ...
صوت .. الغُنِية
في صوتي ...

مَرَقت .....منك
ودخلت .... فيّ

فاتت ..... ليك
ورجعت ... ليّ

وكنت ...
بحنّس .. في شوقي
إنو .. يصهين ..
ولاّ يدس ..
اللهفة


مزمل الباقر
يناير 2004م
الخرطوم

(1) الديس : كلمة من كلاسيكيات الدارجية السودانية وتعني شعر رأس المرأة
(2) يقول المثل الشعبي: (عايرة وأدوها سوط) يقابل ( زاد الطين بِله). والعايرة هي للماشية التي تهرب من القطيع فإذا ضربت بالسوط لتعود تزداد جرياً وهروباً
(3) الفاطر: ايضاً من كلاسيكيات الدارجية السودانية وتعني الثغر
(4) فتيكا : إنني احبك بلغة قبيلة البني عامر بشرق السودان





التعليق والتصويت على الموضوع في الموقع الرئيسي


اخر الافلام

.. نصير شمة في بيت العود العربي


.. مفاجاة صارخة عرفنا بيها إن نصير شمة فنان تشكيلي ??? مش موسيق



.. مش هتصدق عينيك لما تشوف الموسيقار نصير شمة وهو بيعزف على الع

.. الموسيقار نصير شمة وقع في غرام الحان سيد درويش.. شوفوا عمل إ



.. بعيدا عن الفن والموسيقى.. كلام من القلب للموسيقار نصير شمة ع