الحوار المتمدن - موبايل
الموقع الرئيسي


أريدك ترجع الروحي

محمد جلاب البديري

2013 / 6 / 2
الادب والفن

غريب بعيني أشوفنّك
ولاچنّك
ربيت بروحي من سنين
شايل ونّي إونّك
يا بذره الشتلتك من سگاهه الماي من ونّي
صفت خير وسنابل تضحك
بسنّك
وينك يانِفس بهْواي
لاشفتك حلم مرِيّت
يحضن همّي وي
وهمّك
رسمتك وي نبض گلبي
مثل ناعور يحضن ماي وتخضّر بساتين الفرح عرسين للديره
يالَوّعه الصفت وياك
شفتك تمسح
برسمك
سميتَك عشگ
وشديتك وَشِم عمرين
من يوم الولاده الماعرف
بسْمَك
أريدك ترجع الروحي
وانه وياك نرسم فرحه بجروحك
تغازل ونّة جروحي
وترد أيامنه المسحة تعب
عنّك
موبيدي أحبنّك
أشوفك نبعة الريحان
حيره شلون ألِزمنّك
وظل مشابگ إويه الريح
من نسمتهه
أشمنّك

---

---

---

التعليق والتصويت على الموضوع في الموقع الرئيسي

---

.. دياب في ندوة اليوم السابع :دوري في فيلم السرب من أكثر الشخص


.. مليون و600 ألف جنيه يحققها فيلم السرب فى اول يوم عرض




.. أفقد السقا السمع 3 أيام.. أخطر مشهد فى فيلم السرب


.. في ذكرى رحيله.. أهم أعمال الفنان الراحل وائل نور رحمة الله ع




.. كل الزوايا - الفنان يحيى الفخراني يقترح تدريس القانون كمادة