الحوار المتمدن
- موبايل
الموقع
الرئيسي
شكرا سيدي الرئيس .... شكرا علي لاشئ
جورج المصري
2005 / 4 / 28كتابات ساخرة
![](https://ahewar.net/Upload/user/images/d5dc69a1-d2f9-4503-b553-40d5438c28c0.jpg)
هكذا قال السيد الرئيس المسكين "المهم عندي أن يحدد الشعب رأيه وإذا قال لي: لا فسأجيب: شكرا, فقد قمت بالواجب"
هل هذا هو استفتاء اخر ؟ وكيف سيقول لك الشعب لا ام سيقول لك الشعب شكرا علي حياتك كملك 25 عام انظروا الصور وانظرو البرنامج الاعلامي الانتخابي ... هل من سيقول لك نعم او لا هي صحافتك ووسائل اعلامك ؟ من امثال السيد ابراهيم نافع ؟ الذي لم يكفية فرد العديد من صفحات جريدتة لحوار تلفزيوني شاهدة العالم فكان من اللازم كتابتة ونشرة بالصور الجميلة لملك مصر يتمشي في قصرة ... صحيح ياسيدي الرئيس وسيادة رئيس التحرير اللي اختشوا ماتوا .... وبما انني من الشعب علي الرغم من أنف السيد ابراهيم نافع اقول للسيد الرئيس الهمام حسني مبارك لا والف لا لاترشح نفسك .... وارجوك اعمل لاخرتك من اليوم لكي تكون آخرة سعيدة لك ولشعب مصر .... من فضل سعادتكم قبل ان تذهب بالسلامة متنساش تاخد في ايدك صفوت وحبيب وابراهيم .... علي الرغم انك لوشلنا الواو من بين اسمائهم الثلاثة تعتقد انهم اقباط لكن للاسف هم جلادي شعب مصر .... فالي صفوت حبيب ابراهيم لا و الف لا .... كفاكم تزييف وتزوير ...
لم يكتفي السيد ابراهيم نافع بكل المساحة الاعلامية للسيد الرئيس بل تحت العمود الشهير بموقف .... المواقف يعيد ويزيد السيد ابراهيم نافع عن محاسن موتاهم ... يارجل ارحمنا وارحم شعبك قل للسيد مبارك كلمة حق واحدة ... نعم ياسيادة الرئيس انت افضل من حكم مصر وافضل من سيحكم مصر ونحن كلنا خدامين السيادة .... ولكن سيدي الرئيس جاء الوقت لكي تحقق حلمك في ان تكون سفيرا لمصر في انجلترا ... وان اردت سوف نعطيك طائرة علي حساب جرجس وعبدة ومحمدين وذكية وفكيهة وأسناوي ومغاوري وقصر علي حساب عبد الرسول و الظواهري و الزمر وبة من الحوريات و الغلمان اللي يكفيك ولف العالم ياسيدي علي حساب اللي خلفونا بس حل عن سمانا وخلينا نصلح اللي بلانا ... حتنبدي منين الحكاية .... من تحت مش ممكن لان القعر وقع من كثر الضرب مفيش غير من فوق لان ياعالم باللي فوق ارحموا العالم اللي تحت .... حبة فوق وحبة فوق علشان مفيش تحت ... ممكن حد يرحمنا من المكوجية ويدي الواد لابوة ويشيل الواد من الحكم ويحطة بعيد عن مركز ابوة ... علشان زحمة يادنيا زحمة و مصر جاعت من قلة اللحمة حتي الفول ضربوه قم اقف وانت بتبهدلني بص في عيني اللي باقية وانت بتشندلني ... كفاية علينا من السعادة في حبك ياريس غرقانين ... واتخرب بيت ابونا وانتم مش سئلين ... ولسة بتلُك في حرب اكتوبر اللي فات عليها السنين وراحت لحالها وجة مكانها ميت مصيبة ماركة صفوت حبيب ابراهيم مبارك العلامة الحائزة علي جائزة الجودة الامريكية من درجة ال BS. وعلامة الا أيزو البريطانية ومتلعبلوش في طيــــــــــ احسن تغيظة . مع السلامة و القلب داعيلك تاخد العكننة اللي جبتهم ويالك علي راي الجدعان اللبنانية اللي كشحوا الاسد ونقولك دخيلك .
|
التعليق والتصويت على الموضوع في الموقع الرئيسي
.. المخرج عادل عوض يكشف كواليس زفاف ابنته جميلة عوض: اتفاجئت بع
![](https://i4.ytimg.com/vi/3CImgQ5mGW4/default.jpg)
.. غوغل تضيف اللغة الأمازيغية لخدمة الترجمة
![](https://i4.ytimg.com/vi/qbTZpjSQDg4/default.jpg)
.. تفاصيل ومواعيد حفلات مهرجان العلمين .. منير وكايروكي وعمر خي
![](https://i4.ytimg.com/vi/ma9VFWyRivg/default.jpg)
.. «محمد أنور» من عرض فيلم «جوازة توكسيك»: سعيد بالتجربة جدًا
![](https://i4.ytimg.com/vi/VahIJG620RA/default.jpg)
.. فـرنـسـا: لـمـاذا تـغـيـب ثـقـافـة الائتلاف؟ • فرانس 24 / FR
![](https://i4.ytimg.com/vi/YuKsGx2FN0k/default.jpg)