الحوار المتمدن - موبايل
الموقع الرئيسي


روحي مطره وگُمَر

محمد جلاب البديري

2013 / 6 / 16
الادب والفن


شفت ظلمه
مثل خْيالي تتبعني
من سنين
أحسهه بگلبي تجرحني
ورافگتني بحلم يقضاتي ومنامي
وانه حاير
حامل بگلبي محبة ناس بيهم لذّتي وعشگي
ولَنهه تريد تحرمني
أنه طير مسافر إيحومي إعله ديره
وشايل جناحي فرح
والشوگ يسمعني
ماأهاب الريح سوده وتغمس
بروحي ظلام
آنه مصباحي مثل گمرة بدر
خنجر بعين الغَدِر
وروحي مطره زخّتهه جداول
لو رُوَة عطشان
ولوسِگَة بستان تطربني
هذا عنوان الوفه وشوگ اليحب
يشعل الموگد دفو إبرد الشِتَه
ونسمه بيهه النده مشابگ
تخطف الگيض وسعيره
وتناديني
ومن تهب للناس
أحسنّهه
تواسي جروحي من ونهه
وتداويني
روح إبعد ياظلام الحيف
آنه وياك نتبارز
لوتكتلني .. بس ماموت
روحي ترفرف شمعه للغِيرَه
لوأغسلك من شرورك
والفرح يسكن
بعيني





التعليق والتصويت على الموضوع في الموقع الرئيسي


اخر الافلام

.. فيلم كارتون لأطفال غزة معجزة صنعت تحت القصف??


.. فنانة تشكيلية فلسطينية قصفولها المرسم??




.. فيلم -لا غزة تعيش بالأمل- رشيد مشهراوي مع منى الشاذلي


.. لحظة إغماء بنت ونيس فى عزاء والدتها.. الفنانة ريم أحمد تسقط




.. بالدموع .. بنت ونيس الفنانة ريم أحمد تستقبل عزاء والدتها وأش