الحوار المتمدن - موبايل
الموقع الرئيسي


صكَبان ابو الغاز مرشح عن مكتب السيد الصرخي..

سامر رسن الواسطي

2013 / 7 / 11
كتابات ساخرة


صكَبان مُرشح عن مكتب السيد الصرخي...أشاعه تناقلها الأطفال والنِسوة في منطقتي وبدأت بها يومي الجديد "أصبحنه وأصبح الملك لله شنو مُرشح بكتلة السيد الصرخي؟،صكَبان السكير شجابه على مكاتب الموامنه "........
ومما زاد شكوكي أن صكَبان بالفترة الاخيرة صار يربي لحيه ويلبس أسود ويجيب عبارات كل عباره وزنهه كيلوين مثل "ميتافيزيقيا السيد ونظريته لزمن الظهور"....
فقررت الذهاب الى بيته عسى أن أجد الجواب الشافي...
دك..دك..دك...
منهووووو؟..
اني حجيه نشميه بلكي تصيحيلي صكَبان محتاجه بموضوع مستعجل...
مو هنا يابعد عويفيتي كَال عندي اجتماع مهم بالمكتب وراح بسرعه وحتى اليوم واحد من طليانه "مهاطويب" ما لحك يشوفه...
ومن بعد ما اصبح بالموضوع مكاتب واجتماعات قررت الذهاب الى مكتب(المرجع الديني العربي السيد الحسني الصرخي)لأقابل صكَبان وبالفعل أنتظرته بالباب الى أن خرج:
"هَلّة أبو الصكوك شنو هاي يكَولون صاير مُلّه؟..وين هاي الغيبه عمي"...
لاتحط روحك بكل شي سويمر،مو هسه حتى اسمك الله كَالبه..أكو واحد من اهل البيت(ع) اسمه سامر شو كَلي؟!..
أنه أخوك صكَبان هي هاي تاليتهه؟..جا وين الوفه وين الملح والزاد...وبعدين شو عصر الرساله الإسلامية كله بمُسلميه وبمشركيه ما بيه واحد اسمه صكَبان؟..."زين أتركنه من هاي السوالف صكَبان فدوه لعينك وفهمني شنهي هذا الانقلاب المفاجئ بحياتك وتعرفني عضيدك واطمن سرك بالفيسبوك اقصد بالبير؟"...
لا انقلاب ولا هم يحزنون وأنما هي هداية من رب العالمين لطريق الحق،ورب العزة والجلاله يهدي من يشاء بغير حساب..
والنعم بالله..بس صكَبان لاتبيع بيهن براسي كَلي شجابك على مكاتب الساده والموامنه ولك اخاف نسيت أيامك ايام العرﮔ-;- والكاوليه؟
إِصفرَ وجه صكَبان وبدت عليه اثار الأرتباك" أعوينت ابو أصلي ولك انت شبيك مسودن؟ شمالك لسانك متبري منك..استخفر الله ياربي،يامن تطلع المطي من هالطينه،تعال امشينه للكَهوة اذا نظل هنا نروح بوله بهوره"...
شوف عمي سويمر الجماعة بمكتب السيد شافوا أمكانيتي وشعبيتي وخِبرتي بمجال بيع الغاز والنفط ومشتقاته ويريدون يستغلون هاي الشعبيه للترويج لقائمة السيد بالأنتخابات الجايه ومن يفوزون راح يحطوني وزير للنفط واذا ما رهمت يسوون وزارة جديده اسمهه وزارة الغاز أو الطاقة ويحطوني عليهه...
معقوله يا نيسلن مانديلا تبيع شعبيتك علمود الكرسي وأني اعرفك صاحب مبادىء وقيم؟،وبعدين شنو فرقك عن المُتاجرين بالدين وهموم واحلام الناس المظلومه الفقيره شو فهمني...وين خطاباتك عن الأمر بالمعروف والنهي عن المنكر والثورة على الظالم...
سويمر من تكَابلنه لليوم أثنينه ما شفنه خير ليش ما تنطيني عرض جتافك...
"أتكشمر وياك مُلّه صكَبان هاي شبيك...زين اني أعرف أفّول للسياره بانزين ما تخليني مدير عام؟





التعليق والتصويت على الموضوع في الموقع الرئيسي


التعليقات

1 - مع احترامنا لباعة الغاز المحبين لمهنتهم الشريفه
البدراني الموصلي ( 2013 / 7 / 11 - 20:22 )
اخي سامر
تحياتي اليك
انك لم تجاف الحقيقة ابدا , فأذا كان صكبان في مقالتك حقيقة او وهما فهو موجود فعلا في اكثر وزارات العراق العظيم ودوائره الرسمية والمواقع الحساسة جدا - عسكرية ومدنية -و خاصة مواقع القرار
قد تكون اخترت السيد الصرخي عشوائيا او ربما لان ابواقا جديدة صارت تعزف لنا اناشيده الوطنية الحماسية وعلى صفحات الحوار المتمدن وسماحته -دام ظله الوارف في هذا القيظ الهارف - فهو على كل حال يصلح انموذجا لجميع العمائم واللحى والمحابس
شكرا لك وتحياتي للجميع

2 - لنستفاد من وعي الشعب المصري ووقوفه بوجه المتأسلمين
سامر رسن الواسطي ( 2013 / 7 / 11 - 21:22 )
اخي الكريم البدراني...ما حصل في مصر من اسقاط حكم الاخوان المسلمين(وأن اختلفنا على بعض الامور السطيه في عملية الاسقاط)الا أن هذا العمل الرائع يعتبر البدايه الحقيقيه لأنطلاقة الربيع التحرري الحقيقي ضد الطغاة والحكام المستبدين والمتاجرين بالدين من المتأسلمين الجدد على حد سواء ...وسواء في مصر او في العراق وباقي الدول العربيه....فأن فشلنا في النزول للتظاهر بالملايين وأن فشلنا في بناء اعلام حقيقي قادر على تحشيد الملايين لغايات نبيله فلننجح نحنُ الذين ندعي الثقافه وعلى الاقل بهذه الكيبوردات في الوقت الحاضر من اجل التحشيد وتوعية اكبر قدر من الناس....محبتي

اخر الافلام

.. #كريم_عبدالعزيز فظيع في التمثيل.. #دينا_الشربيني: نفسي أمثل


.. بعد فوز فيلمها بمهرجان مالمو المخرجة شيرين مجدي دياب صعوبة ع



.. كلمة أخيرة - لقاء خاص مع الفنانة دينا الشربيني وحوار عن مشو

.. كلمة أخيرة - كواليس مشهد رقص دينا الشربيني في مسلسل كامل الع



.. دينا الشربيني: السينما دلوقتي مش بتكتب للنساء.. بيكون عندنا