الحوار المتمدن - موبايل
الموقع الرئيسي


ناطرك سنبل عشگنه

محمد جلاب البديري

2013 / 7 / 21
الادب والفن

سنين ماشفت المطر
دربين عِدهن تَيّهت
دربك وضحكات العشگ عطشة نهر
مشدوه من ثوب الحزن وتمرمرت
ومن نطرتك ليش عنّي تأخّرت
وبحسره من حزني إحْزنت
وشلون يامنبع حزنّه
طايف بروحك عشگنه
وأبد مثلك ماشفت
....
ياورد بيك تعطّرت
وبلهفه يمّك دوّرت
من روحي چنّك سافرت
چم آه يابيدر عشگنه
تهنه محرومين لعنه إعله الوكت
وطارداني الهجر عنّوه
ولجل حبّك صابرت
چنّي أعرفك من حضن إمّك يرزقي
ودارت الأيام بيّه وشيبت
بثگل حِمْل الگاع بيك تْوَلعت
وبعدد حزن الناس
من عشگك همت
....
آه يل شوفك وطن
تدري ياملح العراق بيوم فارگتك ضِعِت
ومن أشوفك چنّي شفت الوطن كلّه
ومن فراتينه إشربت
بس إنت بالدنيه عشگ
غيرك أبد ماعشگت
طلّگتهه الجنّه كلهه
بنار حبّك چلّبت
بحلم يقضه ونوم منّك ماتبّت
ومابدّلت
....
وانه آسف
تاه فكري وبالبُعد ماحسّبت
غصب بعّدني الوكت بسنينه عنّك
راد بس يحرمني منّك
گوّه گوّه ورحت عندك هاجرت
مگرود ماچنّي صرت
وتعذّبت
وتغرّبت

---

---

---

التعليق والتصويت على الموضوع في الموقع الرئيسي

---

.. فيلم كارتون لأطفال غزة معجزة صنعت تحت القصف??


.. فنانة تشكيلية فلسطينية قصفولها المرسم??




.. فيلم -لا غزة تعيش بالأمل- رشيد مشهراوي مع منى الشاذلي


.. لحظة إغماء بنت ونيس فى عزاء والدتها.. الفنانة ريم أحمد تسقط




.. بالدموع .. بنت ونيس الفنانة ريم أحمد تستقبل عزاء والدتها وأش