الحوار المتمدن
- موبايل
الموقع
الرئيسي
لما كنا اصحاب
منار احمد هانى
2013 / 7 / 24الادب والفن
فاكرة
زمان لما كنا
أصحاب
فاكرة
لما كان بينا
مليون وعد وإتفاق
طب فاكرة
لما كانوا
اصحابنا التانين
مستغربين إزاى بنتخانق كتير
ونرجع من تانى
أصحاب اكتر من الاول
ونضحك جدا على ساذجتنا
وإزاى ضايعنا يوم واحد من غير منتكلم
طب فاكرة
يوم لما كلمتينى بليل
وقولتيلى
انتى نايمة وانا مش جايلى نوم
اصحى
ارغى معايا شوية
لحد ما ننام إحنا الاتنين
طب فاكرة
يوم لما كنت زعلانه
وجيت قولتلك هو إحنا ليه
ملناش صور كتير
ليه بتتصورى
مع كل الناس الإ انا
ساعتها حسيت
إنك من جواكى بتضحكى
وضحكت جدا أنا وقتها
وقولت لنفسى
هو انا ليه
عايزة ذكرى بينى وبينك
احنا اصلا على طول مع بعض
ومش محتاجة حاجة تفكرنى بيكى
طب فاكرة يوم لما جيتلك
البيت
ولقيت بتقبلينى بالبيجامة وكلك ثقة
ومامتك ضحكت ساعتها
وقالتلك سبحان الله
ده إنتى عمرك ما قبلتى حتى اقريبك كده
فاكرة يوميها رديتى
وقالتى ايه
قولتلها
اصل انا وهى واحد
طب فاكرة
لما كانوا بيشفونا مع بعض بيقولوه ايه
كانوا دايما بيفتكرونا
اخوات
او اقرايب
واضحك ساعتها
واقول إزاى شبهك
ده انا احلى منك
وصدقينى
انا منستش حاجة
بس كل يوم
فى دايما خلاف ما بنا
على اسباب غير معروفة ليومنا هذا
|
التعليق والتصويت على الموضوع في الموقع الرئيسي
.. -رفعت عيني للسما- أول فيلم مصري يحصد جائزة العين الذهبية بمه
.. اسئلة متوقعة وشاملة في اللغة الإيطالية لطلاب الثانوية العامة
.. طرح البوستر الرسمى لفيلم عصابة الماكس تمهيدا لعرضه فى عيد ال
.. أكاديمية زادك.. أول صرح تعليمي لفنون الطهي في السعودية
.. الفنان ويل سميث يتحدث لصباح العربية عن ردود الأفعال على زيار