الحوار المتمدن
- موبايل
الموقع
الرئيسي
سلطة بلدى
منار احمد هانى
2013 / 7 / 24الادب والفن
انا اللى كنت متابع
الاخبار لحظة بلحظة
انا اللى اول ماقمت الثورةانا اللى كنت متابع
الاخبار لحظة بلحظة
انا اللى اول ماقمت الثورة
قولت ابدا
من هنا ورايح مش هسيب بلدى تانى
مش هعدى يوم واحد من غير ما افهم
مش هسيب جرنال من غير ما اقرأ واعرف
من غير ما اشوف كل وجهات النظر
واعرف بجد مين المنافق ومين الجدع
انا اللى كان عنده التفاؤل
شوية زيادة
وكل اصحابى كانوا يضحكوا
ويقولولى كفاية سياسة
وارد عليهم بإبتسامة
واقول ياجماعة دى مش سياسة
ده واجب على كل مواطن
إنه يفهم ويعرف ويتابع
ومايسبش واطنه لجماعة
او رئيس يحكم
من غير شعب فاهم وواعى
انا اللى كان اى مظاهرة سلمية
تلاقينه جاهز
تلاقينه بقول بإعلى صوت لا للدكتاتورية
لا للفوضى
والنظام العشوائى
وعدى يوم ورا يوم
وانا بنفس الحالة
لحد ما وصلنا ليومنا هذا
واحد محبط جدا
حاسس بجد إنه مش فارق معاه
مين مات ومين عايش
مين البرىء والمتهم
مين المظلوم والظالم
مين من مين
مش فارقه معاه كتير
ماهو كل يوم فى واحد
دمه حلال
من وجه نظرى الطرف الاخر
وكإن روح الإنسان
ربع جنيه مخروم
كل يوم فى شىء غلط
بيتبنى على غلط اكبر منه
كل يوم فى شىء بينهار
لإنه فى الاساس مبنى غلط
ودى
ماكنتش حاله كده
وعدت مع الايام
او
حماس منى زيادة
وراح لحاله
بس بجد اللى بيحصل دلوقتى
شبه طبق سلطة بلدى
الخيار والجزر واحد
نفس اللون تقريبا
والشبت والبقدونس
نفس الريحه ونفس الطعم
انا عارف إنى بكرا ميت
وإنه هيكون جزائى
لإنى سبت بلدى
ومهتمتش باللى بيحصل
بس ماهو كده كده
انا ميت اصلا
سواء مؤيد او معارض
دمى حلال فى كل الاحوال
دمى بيروح على الفاضى
بيروح لناس بتنهب كل حاجة
ياريت دمى فعلا
كان بيروح فى الاخر لبلدى
كنت اول واحد اجرى واضحى بكل عمرى
ومش صح إنى اكون محايد
او اكون لامبالى
بس بجد حقيقى
انا مش فاهم حاجة
وكل المفاهيم عندى اتلخبطت
وكل ما بحاول اركز وافهم
ارجع اتخلبط اكتر من الاول
يمكن بكرا
ضوء الشمس يكون اقوى
وارجع اشوف وافهم من تانى
قولت ابدا
من هنا ورايح مش هسيب بلدى تانى
مش هعدى يوم واحد من غير ما افهم
مش هسيب جرنال من غير ما اقرأ واعرف
من غير ما اشوف كل وجهات النظر
واعرف بجد مين المنافق ومين الجدع
انا اللى كان عنده التفاؤل
شوية زيادة
وكل اصحابى كانوا يضحكوا
ويقولولى كفاية سياسة
وارد عليهم بإبتسامة
واقول ياجماعة دى مش سياسة
ده واجب على كل مواطن
إنه يفهم ويعرف ويتابع
ومايسبش واطنه لجماعة
او رئيس يحكم
من غير شعب فاهم وواعى
انا اللى كان اى مظاهرة سلمية
تلاقينه جاهز
تلاقينه بقول بإعلى صوت لدكتاتورية
لا للفوضى
والنظام العشوائى
وعدى يوم ورا يوم
وانا بنفس الحالة
لحد ما وصلنا ليومنا هذا
واحد محبط جدا
حاسس بجد إنه مش فارق معاه
مين مات ومين عايش
مين البرىء والمتهم
مين المظلوم والظالم
مين من مين
مش فارقه معاه كتير
ماهو كل يوم فى واحد
دمه حلال
من وجه نظرى الطرف الاخر
وكإن روح الإنسان
ربع جنيه مخروم
كل يوم فى شىء غلط
بيتبنى على غلط اكبر منه
كل يوم فى شىء بينهار
لإنه فى الاساس مبنى غلط
ودى
ماكنتش حاله كده
وعدت مع الايام
او
حماس منى زيادة
وراح لحاله
بس بجد اللى بيحصل دلوقتى
شبه طبق سلطة بلدى
الخيار والجزر واحد
نفس اللون تقريبا
والشبت والبقدونس
نفس الريحه ونفس الطعم
انا عارف إنى بكرا ميت
وإنه هيكون جزائى
لإنى سبت بلدى
ومهتمتش باللى بيحصل
بس ماهو كده كده
انا ميت اصلا
سواء مؤيد او معارض
دمى حلال فى كل الاحوال
دمى بيروح على الفاضى
بيروح لناس بتنهب كل حاجة
ياريت دمى فعلا
كان بيروح فى الاخر لبلدى
كنت اول واحد اجرى واضحى بكل عمرى
ومش صح إنى اكون محايد
او اكون لامبالى
بس بجد حقيقى
انا مش فاهم حاجة
وكل المفاهيم عندى اتلخبطت
وكل ما بحاول اركز وافهم
ارجع اتخلبط اكتر من الاول
يمكن بكرا
ضوء الشمس يكون اقوى
وارجع اشوف وافهم من تانى
|
التعليق والتصويت على الموضوع في الموقع الرئيسي
.. احتجاجات في جامعة ديوك الأميركية ضد الممثل الكوميدي جيري ساي
.. المغرب.. إصدارات باللغة الأمازيغية في معرض الكتاب الدولي بال
.. وفاة المنتج والمخرج العالمي روجر كورمان عن عمر 98 عاما
.. صوته قلب السوشيال ميديا .. عنده 20 حنجرة لفنانين الزمن الجم
.. كواليس العمل مع -يحيى الفخراني- لأول مرة.. الفنانة جمانة مرا