الحوار المتمدن - موبايل
الموقع الرئيسي


(( مجرّد تساؤلات ))

جواد القابجي

2013 / 8 / 7
الادب والفن

أبوذيَّه
*******
الوطن ألوان بي مذهب + ولعراق
وبِيِ من لا خجل يحمل + ولعراق
أحب كل طيَّب اومخلص + ولعراق
بين اظلوعي احفظه امن الأذيَّه
**************
القصيدة
*******
أسأل ارجال القياده اوكل فصيل
ليش دَمْ اعراگنه انهُر يسيل ؟؟
**************
ليش ماتعرگ گصصکم مستحه
گبل كلشي أعتب اعْلَهَلْ اللِّحه
باعت الدين اوصفه عالمشرحه
علَمُود المادَّه او جيبٍ ثجيل
**************
إقتل اسلب إسفك اولتدير بال
المهم تبني اقصور وتْطوِّر الحال
للفقير الله !!!! بس إلكم اموال
هوّه راد الله الفقير يظل ذليل
***************
ياحسافه الناس لســـّا نايمه
آمنت بيكم .. اوبيكم هايمه
اوإجت دولاراتكم من السمه
رزق الله اعليكم ايهيل اويميل
******************
يافصايل ظلم دوَّختوا العراق
انشرتوا بين الشعب إُميَّه وفراق
صرتوا للدولار حُب او إشتياق
وبفساد اخلاقكم هوّه الدليل
*************
فد سؤال البيه كل منصف يحير
ايصير يعله السافل بجوع الفقير
والشريف ايموِّته كاتم حقير
والوطن من زيفكم صاير عليل
*******************
[email protected]

---

---

---

التعليق والتصويت على الموضوع في الموقع الرئيسي

---

.. أغنية خاصة من ثلاثي البهجة الفنانة فاطمة محمد علي وبناتها لـ


.. اللعبة قلبت بسلطنة بين الأم وبناتها.. شوية طَرَب???? مع ثلاث




.. لعبة مليانة ضحك وبهجة وغنا مع ثلاثي البهجة الفنانة فاطمة محم


.. الفنانة فاطمة محمد علي ممثلة موهوبة بدرجة امتياز.. تعالوا نع




.. هل يشكل الحراك الطلابي الداعم لغزة تحولا في الثقافة السياسية