الحوار المتمدن - موبايل
الموقع الرئيسي


عراقي .. وروحي فراتين

محمد جلاب البديري

2013 / 8 / 19
الادب والفن


مرّه شفت الفرح يضحك
ويَه نسمات الهوى
وسنين شفت الحزن علّه
وأبد مايرهم دِوَه
ومرّه ضحكات السوالف
تبتلي بساعة هجر
شابگه بدمع العيون
وتجري شماجره
وانه شفت الروح نظره
بنص سِواد الليل
ويَه دگات الگلب
تنبض ضِوَه
گامت الدنيه بحلم هذا العِشك
شمحله طِيب العُمر
يلگه شماهِوه
آنه مو ذاك الجَرح ديرة هَلَه
بساسه الرِدي
وانه مو ذيچ العِگارب
تلتغ بغَدر وگُفه
وانه مو ذاك العَرَض بيته بثمن
لجل كرسي وصار شيطان وطَغَه
وانه مو ذيل ويزوبل كل وكت
ولا چلِب مسعور يِعْوي شماعِوَه
وانه مو قومي وتعصّب عنصري
بلايه ضمير
وانه مو طائفي بحقده يزحف لِوَره
أنه گالولي الوطن بيعه وتعال
وياشريف الطَگ ونِيسه وبيه قِوَه
وانه أبن آدم وبن نوح وخليل
وانه گلگامش حضاره وتجربه
وانه أبن دجله الشبگ حضن الفرات
وانه رايد عيشه حِرَه وگلبي صافي شمانِوَه
وانه فرحه وعشگة الناس بحلم
وحيلي وگت السلم طير
ولليِعِيل إيده لِوَه
وانه أبن برحيّه بشموع العرايس هلهلة
كحلّة ريحان بعيون السنابل ورتِوَه
آنه هذا أبن العراق وطبعي عنوانه الكرم
يِحْوي الخطّاره تمره
وهو ياكل بس نِوَه
وعُمري يومه إبعيد من ذاك الزمان
زرع گيعان المحبه إمن المحبه شگد حِوَه
وروحي غيمه وحالمه بزخّة مطر
وكت الشِحيح
خير للتربه وأهله وتْروِي عطشتهم سِوَه
وگلبي هِوَه إلي رِبَه بحضن الوِفه
وعشگ العراق
شهل گلب كل ماعشگ
چويه إنچِوَه





التعليق والتصويت على الموضوع في الموقع الرئيسي


التعليقات

1 - طلب
محمد جلاب البديري ( 2013 / 9 / 28 - 02:36 )
علماني ويساري .. هاجرة من العراق بعد قمع الأنتفاضة الشعبية سنة 1991وأستاطنة مخيم رفحاء أكثر من خمس سنين ثم سافرة لاجيء سياسي في كندا

2 - طلب
محمد جلاب البديري ( 2013 / 9 / 28 - 02:43 )
علماني ويساري .. هاجرة من العراق بعد قمع الأنتفاضة الشعبية سنة
1991وأستاطنة مخيم رفحاء أكثر من خمس سنين ثم سافرة لاجيء سياسي في كندا ... هذه معلومات عني وأطلب أن أنزل صورتي في موقعي الفرعي وشكرا .. مع أعتزازي

اخر الافلام

.. انهيار ريم أحمد بالدموع في عزاء والدتها بحضور عدد من الفنان

.. فيلم -شهر زي العسل- متهم بالإساءة للعادات والتقاليد في الكوي



.. فرحة للأطفال.. مبادرة شاب فلسطيني لعمل سينما في رفح


.. دياب في ندوة اليوم السابع :دوري في فيلم السرب من أكثر الشخص



.. مليون و600 ألف جنيه يحققها فيلم السرب فى اول يوم عرض