الحوار المتمدن - موبايل
الموقع الرئيسي


هلهل ياربيع الشوگ

محمد جلاب البديري

2013 / 8 / 31
الادب والفن

يگلبي شبيك شگّاك الهوى
بچلمة عِشگ .. من مرّت بطرواك
سيل سْهام
شمالك من هِواهه تْوِن
كل عين التُمر بدروبنه تسلهم
بس عين العِشگ سهرانه
وأنت وياهه ناطر
مانِوَيْت تنام
عِمَت عين العواصف
ماتهزّك
صعب هزّك
بيّه شفتك
ريح صفره تلوذ سِدّك
ولاتلّچمك
چويات الأيام
ودولاب المصايب يفتر بدمّك
ولا همّك .. ولا غيّر طبع سنّك
ولا شخبط حرف بسمك
ولا طفّه الگُمر والشمس
من رسمّك
بس همّك لواه الظيم
بيك ويمّك
ومِنّك
....
هلهل ياربيع الشوگ
ذب حزنك على المامش
ولا چنّك
وخلّي رموش الحْديّثات
وي خيط الكحل تتغامز وبجفونهه ترامش
ونبضات بگلبهن ترجف مراجف
غصب عنّك
حضن تمّوز ماخذهن
وياهو اليرجف بتمّوز
گيظ وبرّدن رگصاتهم
همّك
....
هلهل للسواجي تفيض بگلوب النخل
جمٌار
وزِف سنبل بيادر
تنطر الخِطّار
عيب تنام نوم أهل الكهف
وتصير تذكار
فايضه بگلبك شواطي منين ماتِغْرُف
عِشگ تلّگه .. بحلم روحك
وشوفك جنّه تسحك
هْم لِهيب النار

---

---

---

التعليق والتصويت على الموضوع في الموقع الرئيسي

---

.. بايدن طلب الغناء.. قادة مجموعة السبع يحتفلون بعيد ميلاد المس


.. أحمد فهمي عن عصابة الماكس : بحب نوعية الأفلام دي وزمايلي جام




.. عشر سنوات على مهرجان سينما فلسطين في باريس


.. خالد النبوي: فيلم أهل الكهف يستحق الوقت الذي استغرقه بسبب ال




.. أنا والست والجيران?? علاقة ممتعة بين مزاج صلاح عبدالله وصوت