الحوار المتمدن - موبايل
الموقع الرئيسي


وعندك واحدّ رَجِلّ وصلّحهُ

فرح محمد

2013 / 9 / 4
ملف فكري وسياسي واجتماعي لمناهضة العنف ضد المرأة


#صلّح تفكيرهُ في رؤيتهُ لِعمل المرأه وانها بتعمل حاله من الزحمه وبِتعطلّ حضرتهُ إنه يلاقي فُرصه في الحصول علي وظيفه والافضل ليها تُقعد في البيت تاكل وتشرب وتكلّبظ وتستني
العَدلّ ×_×

#صلّح ثِقتهُ بنفسهُ لما يكون مُرتبط ببنت طَموحه وعقلها مُتفتّح وبتشتغل وعندها حُريه في اتخاذ قراراتها بالشكل اللي هي شايفاه مُناسب لِحياتها, يبدأ ويحاول هنا انه يغير مسار تفكيرها بعمل غسيل مُخ إن البنت اَخرها الزواج والخِلفه وارضاء الزوج , لِأن البيه ممكن يكون مش ناجح في عملهُ وغير طَموح فَيكتفيِ انه يغير طريقتها عشان الرؤؤس تتساويَ (بيحصل من بعض الرجال)

#صلّح وجههً نظرهُ لما يقولّ ان البنت اللي بيكون ليها استقلاليه وعملّ وصداقات بتكون بنت ماشيه علي حلّ شعرها ومن النوع الشِمالّ اللي سهل تُظبُط الحياه معاها ..

#صلّح عقلّهُ لما يكون عايش الحياه بِطولها وعرضها ويرتبط بفُلانه ويسيب عِلّانه ومن كل جنينه َزهرة وفي الاخر يوم مَ يفكر يتجوز ويستقر يدورلّهُ علي قُطه عاميه لاَ بتشوف ولاَ بتسمع ولاَ بتتكلم في حين ان مبقاش فيه قُطط عاميه كله بيلبس عدسات ولو صادف ان البنت اللي ارتبط بيها كانت علي علاقه بشخص قبلهُ يبقي البنتّ دي من إياهُم ولا يجوزّ ابدا ان تَنول شرف ليلهً الدُخله والزواج منه وبيحصل الكلام ده وحقيقي 200% .

#صلّح نفسيتهُ لما يكون بعض الرجال اقل علمياً وعملياًَ من المرأه يبدأ ينفسّنّ من جوه وانها ّّراحت ولا جتّ بردو مش هتكون زي الرجل في كمالهُ وتبدأ وصله من تقليل الذات وكَسرّ النِفسّ.

#صلّح اخلاقه لما يكون عايش مَهووّس بالجنسّ وفاكر ان المرأه أداه لِلجنسّ فقط دون اي ادوار أُخري تُمثلّ ليها قيمه في المُجتمع , وعليِه صلّح فِكرهُ لما يكون حاططّ في عقلهُ ان المرأه ليس لها حق التفكير في الجنسّ كما هو يفعل وكل اللي عليه انه لو اتجوز يكون هو المُستمتع فقط وما بعد ذلك فَ الي الجحيمّ .

#صلّح قيمّهُ لما ينزل الشارع ويشوف بنات من كل لون يا بتستا ويبدأ في سماجه انه يضايق اي بنت ويتحرّش بيها بحجهً ان ملابسهن أثارهً غيظهُ وانهن يستحقن ما يفعلهُ بهن وهو في قرارهً نفسه مُستمع بإحساس اللحظه والتحسيسّ ومدّ الإيدّ ومن ناحيه تانيه يعمل فيها دور الواعظ والعقل الرّشيد

#صلّح تعليمهُ وثقافتهُ انه لما يكون قاعد في البيت وزوجته هي الراعيه للبيت من
اول تنظيف العيال مروراً بالكنسّ والمسّح والطَّبخ الي طلباتهُ الخاصه و و و , دون مُراعاه انه يقوم يِشدّ الهِمه والحيلّ ويشاركها لِان البيه في مَنظورهُ وثقافتهُ الزوجه تشتغل جوه والزوج يشتغل برّه ومَينفعش انه كمان يقوم يشاركها في تنظيف المنزل او اهتمامه بالاولاد عيب طبعا لان السِت الوالده تاكل وشهُ وأفاه والجيران يقولوا ايه ؟ الرجل يعمل في البيت زي الحريم وينظّف ويغسّل اطباق وحِللّ كفايه عليه يربي كِرشهُ ويقلّبّ صفحات الجريده ودومتُم :))

#صلّح بصراحه مَبقتش عارفه اكتب صلّح ايه ولا ايه ولا ايه النواحي كتير وفيها خللّ والمُجتمع ًعاوز اعادهً بناء من اول وجديد والمُشكله بتكمُن في الجذورّ والاساس اكبر من ناحيهً الأم وطريقه تربيتها لِأولادها الأم هي الرَكيزة الاساسيه في التربيه وبخاصهَ الذكور ان الولد يقعد باشا واخته او امه او اي مُؤنثّ في البيت يقوم علي تلبيهً احتياجاته ويكبر عالوضع ده ودوَخينيِ يا ليمونه والاساس مش الأم فقط دور الأب لا يقل اهميه عن دور الأم كِلاهُما مُكملّان في تربيهً فِكر جديد وعقليه ناضجه بأفكار وعادات غير ذي قبل , صلّح الجِذر عشان الفرع يطلع سليم.
#بقلم/فرح محمد..





التعليق والتصويت على الموضوع في الموقع الرئيسي


اخر الافلام

.. لوحة كوزيت


.. شاعرة كردية الحرية تولد الإبداع




.. اطفال غزة يحلمون بالعودة إلى ديارهم


.. ردينة مكارم المرشحة لعضوية بلدية حمانا




.. المهندسة سهى منيمنة