الحوار المتمدن - موبايل
الموقع الرئيسي


اشواق

زاهد عزت حرش
(Zahed Ezzt Harash)

2013 / 11 / 3
الادب والفن




زاهد عزت حرش
كل ما مرقتي بخيالي
بخوَّت وبجن
وبتذكر هاك الحالي
وعليها بحن
يوم اللي سلمتك حالي
وتقولي كِّن
حاج تقَطِف من صدري
كبوش العِناب

بتقولي بُكرى بتنسى
مش رح تشتاق
ومَع غيري نَفس القُصه
بتِكتُب لها وراق
بقلبي رح تبقى غصه
لو فكري راق
لو فيّ عليكي اقسى
قولي كذاب

مشتاق وبحّلم فيكي
صاحي وغفيان
بالقهوه عَم لاقيكي
بوجه الفنجان
من قلبي عم ناديكي
مبلِّح عطشان
لو تسقيني من شفافك
قلبي ما تاب

شو فيّ حِّب واعشق
واكتُب اشعار
قلبي بالحُب معلق
لوحَة بمسمار
كل ما شفتك عَم بِغّرق
وبشعلل نار
انا قلبي فيكي مخردق
قوس ونشاب

من تفاح ال ع صَدرك
قلبي مَحروق
وكُل ما شفتيني بفرّفك
بتقولي روق
شفافي وايديّ وخَصرك
عشق ومَعشوق
من حَرقِة قَلبي مّشَربَك
دَوبني وداب





التعليق والتصويت على الموضوع في الموقع الرئيسي


اخر الافلام

.. أخرهم نيللي وهشام.. موجة انفصال أشهر ثنائيات تلاحق الوسط الف

.. فيلم #رفعت_عيني_للسما مش الهدف منه فيلم هو تحقيق لحلم? إحساس



.. الفيلم ده وصل أهم رسالة في الدنيا? رأي منى الشاذلي لأبطال في

.. في عيدها الـ 90 .. قصة أول يوم في تاريخ الإذاعة المصرية ب



.. أم ماجدة زغروطتها رنت في الاستوديو?? أهالي أبطال فيلم #رفعت_