الحوار المتمدن - موبايل
الموقع الرئيسي


لقاء لا يمكن حدوثه

ممدوح السباعي

2014 / 1 / 3
كتابات ساخرة


لقاء لا يمكن حدوثة
للكاتب / ممدوح السباعي
ـــــــــــــــــــــــــــــــــــــــــــــ
هذا اللقاء حدث في خيالي انا فقط ولا عجب في ذلك لان الكاتب قد يسرح بخيالة حتي يصل الي ما لا يصل اليه الاخرون .
هذا اللقاء يجمع بين اثنين كانا سببا فيما نحن فيه الان
مبارك ومرسي اثنان حكما مصر حكما استبداديا رغم ان احدهما حكم ثلاثون سنة والاخر حكم سنة واحدة الا ان الاضرار واحدة والنتيجة واحدة انهما الاثنين خلف اسوار السجون .
جعلتهما في هذا اللقاء الجبري كل منهما يبوح بما في نفسه فكان هذا الحوار الذي قسمته الي حلقات صغيرة لكي يتثني للقارئ فهمه ومتابعته
واليكم اولي حلقات هذا اللقاء الذي ارجو الله تعالي ان ينال اعجابكم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مرسي : السلام عليكم يا ابو علاء
مبارك : وعليكم السلام يا ابو احمد ازيك يا مولانا دا انت نورت الزنزانة يا ريس
مرسي : والنبي يا شيخ من غير "تريقة" ما تخلنيش اندم اني جيت ازورك
مبارك : يا راجل وانت جاي تزورني بردوا انتو الكد ب دا مش هتبطلوه
انت نسيت اني اكتر واحد عارفكم وعارف كدبكم قول انت جاي ليه واخلص
مرسي : حتي بعد السجن والبهدلة دي دماغك شغالة بردوا يخرب بيت مخك
مبارك : يا حبيبي انا في السياسة عمري كله يعني افهمها وهي طايرة
وخد الجديدة دي .انا ما اتنحيتش الا لما انتو دخلتوا في الموضوع مش خوف
منكم ولكن خوف ع البلد علي مصر اللي انتو خربتوها منكم لله وحسبي الله
ونعم الوكيل لا خلتوني ذي ما انا رئيس ولا عرفتوا تحكموا مصر
يا عمي والنبي قولي انت جاي عايز ايه من غير لف ولا دوران
مرسي : بصراحة انا جايلك تشوف لنا حل في المصيبة اللي احنا فيها يعني عجباك
رميتنا السودة دي في السجن
مبارك : هاهاهاهاهاي ضحكتني يا راجل وانا زعلان . عايزني انا اشوفلك حل
دا انا لو لقيت لك شوية نار هارميك فيهم
يا راجل بردوا مصر تتحكم بالشكل العشوائي ده
مرسي : يعني انت اللي كنت صح ما هو لا تعايرني ولا اعايرك الهم طايلني
وطايلك
مبارك : والله كل ما افتكرك وانت ريس اضحك قرارات طالعة وقرارات نازلة
وفاتح لي صدرك في التحرير كنت عامل ولا عنتر زمانك
مرسي : انت عايز الحق ولا ابن عمه ؟
مبارك : ابن عمه .
مرسي : لا والله بجد انا هاقولك الصراحة والله انا ما كنت حاكم ولا اعرف حاجة
عن الرياسة
وبديع والشاطر وباقي الجماعة هما اللي كانوا يقولولي اعمل كدا يا مرسي
حاضر . طلع قرار يا مرسي حاضر . الغية يا مرسي حاضر
وانت عارف السمع والطاعة
مبارك : طيب يا ولدي وليه عملت في نفسك كدا وعملت في البلد كدا
دا انا يا راجل الشعب لما حس انه جمال ابني بدأ يتدخل معاي في الحكم
حصل اللي حصل تيجي تدخل معاك امة لا اله الا الله
مرسي : المهم انا عندي خطة لو نفذتها معاي ممكن تلاقي حل
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انتهت الحلقة الاولي والي لقاء في حلقة قادمة مع تمنياتي بوقت ممتع للجميع





التعليق والتصويت على الموضوع في الموقع الرئيسي


اخر الافلام

.. سكرين شوت | الترند الذي يسبب انقساماً في مصر: استخدام أصوات


.. الشاعر أحمد حسن راؤول:عمرو مصطفى هو سبب شهرتى.. منتظر أتعاو



.. الموزع الموسيقى أسامة الهندى: فخور بتعاونى مع الهضبة في 60 أ

.. الفنان محمد التاجى يتعرض لأزمة صحية ما القصة؟




.. موريتانيا.. جدل حول أنماط جديدة من الغناء والموسيقى في البلا