الحوار المتمدن - موبايل
الموقع الرئيسي


روميو وجوليت

صموئيل ميشيل نسيم
(Samuel Michel Nessiem)

2014 / 2 / 11
الادب والفن


روميو وجوليت وليلي والمجنون
قصص في الحب والضحك علي الدقون
يعني أيه راجل يحب واحده وفي عشقها يكون مسجون
وواحد من الهجر يتنحنح ويتشحتف وتسيل دمعوه من العيون
ولا تقولي علي ملكة تنتحر عشان حبت الواد أنطون
وتسمع أشعار الغزل من فارس غامق اللون
وعشان حبيبته البت عبلة ممكن يرمي نفسه في نار الأتون
ويخوض معارك لوحده ضد قوي الكون
ديه قصص في الحب والضحك علي الدقون
انا قلبي زي العربية ماشي بصرامة القانون
عربيتي لاليها في الهئ والمئ ورغي التليفون
بس بقي حصل اللي حصل ولف القلب لفة دريكسيون
بت كده حبها القلب قبل ماتشوفها العيون
اسمها ..... لا مش هقول بس في المعني" محبوبة" من كل الكون
بيضا بياض لايتوصف مش في الشكل لا في القلب الحنون
وليها ياجدع هيبة زي اللي قاعد علي كرسي البنتاجون
وفي حشمتها لاليها في البدي والاسترتش ولا حتي الفيزون
أميرتي أنا ليها ضحكة تجلجل زي رنة التليفون
والشفايف قرمزي أحمر من كتر الدم المسجون
وهي لا تعرف حالتي ولا قادر أقول أني من حبها مطحون
هخلي حبي في أبعد حتة من القلب مدفون
يابت يا "محبوبة " هقولك كلام موزون
حبي ليكي يتكتب في رواية مش أقل من روميو وجوليت وليلي والمجنون
لا ده حبي ليكي أكبر من حب العيل لــــــ........ نفخ البالون
يادي الجنون هو قلبي بيتألم من حبك فعلاً ولاتعبي ده من آلام القولون ؟؟!!!!!!!!!!
يادي قلبي وعقلي المجنون
سايب حميري وبقري وعمال اكتب في كلام سحر العيون
ولما جه الامتحان كان المقبول مضمون
بس ولا يهمك المستقبل في ايد رب الكون
شايف نفسي مش طبيب بقري لا ماسح صحون في مصلحة السجون
يادي الجنون وقصص الحب والضحك علي الدقون





التعليق والتصويت على الموضوع في الموقع الرئيسي


التعليقات

1 - صفحتي علي الفيس بوك
صموئيل ميشيل نسيم ( 2014 / 2 / 11 - 20:06 )
poems with samuel michel
هذه صفحتي علي الفيس بوك للمزيد من الأشعار أرجو التواصل معي للتشجيع والنقد البناء .......شكراً

اخر الافلام

.. فيلم #رفعت_عيني_للسما مش الهدف منه فيلم هو تحقيق لحلم? إحساس

.. الفيلم ده وصل أهم رسالة في الدنيا? رأي منى الشاذلي لأبطال في



.. في عيدها الـ 90 .. قصة أول يوم في تاريخ الإذاعة المصرية ب

.. أم ماجدة زغروطتها رنت في الاستوديو?? أهالي أبطال فيلم #رفعت_



.. هي دي ناس الصعيد ???? تحية كبيرة خاصة من منى الشاذلي لصناع ف