الحوار المتمدن - موبايل
الموقع الرئيسي


المعضله المصريه .

احمد العتر

2014 / 3 / 11
مواضيع وابحاث سياسية


المشير السيسي يطلق مشروع المليون وحده سكنيه لمحدودى الدخل ,,, القوات المسلحه توقع بروتوكولا مع الامارات لتنفيذ مشروعات سكنيه ...
لو قلت يعنى ايه وزير دفاع فى دوله ومؤسسه من مؤسساته يطلق مشروع قومى زى ده هيقولولى انت اسود من جواك ..والقوات المسلحه بتاعتنا هى الوطن وليست مؤسسه من مؤسساته ...
ولو قلت طيب هو اطلق وهو وزير دفاع بامكانيات جيش مصر واكيد ده هيكون فى حملته الانتخابيه استكمال مشروع المليون فهل الجيش هيتكفل بباقى التكاليف ؟؟كل الكامباوندات اللى فى اكتوبر والتجمع والقطاميه كانت فى الاصل مشاريع لمحدودى الدخل ..وتحولت للمليارديرات بعد ذلك وسكنها الحكام وعائلاتهم
مانفضها انتخابات اصلا ؟؟
طب اقول ان حمدين صباحى كده عرف انها تمثيليه واننا كلنا هنكون كومبارس وانه لازم يتنحى للقائد المعظم وحوارييه ياخدوا فرصتهم !!
كده القائد المعظم عمل البعد القومى العروبي وعمل البعد الافريقى وعمل الفتح الروسي ...هتروح انت فين ياحمدين ياابن الفلاحين ؟؟
احنا نسيبهلهم مخضره للزعيم ومعرصينه يحلوها ...
احزاب المعارضه بتطفش شبابها الرافضين للحكم العسكري ليحلوا لها اتخاذ القرار الواضح بدعم المشير والاصطفاف الوطنى ولكن الشباب فى كل الاحزاب سيضطرون احزابهم الى ترك التصويت مفتوحا لانها لن تقدر على تكميم صدقهم او طردهم جميهعا...
يكفى تغيير القيادات الوسطى؟؟واستبدالها بشباب بلاستيك طراز محجوب عبد الدايم استعمال حزب وطنى وهم كثير .... وباقى القواعد يكفيهم وهم كبير اسمه الحفاظ على وحده التنظيم ؟؟اى فائده مرجوه من الحفاظ على تنظيم فاسد اصلا !!
طب مين اللى هيشتغل معانا فى المعارضه ؟؟ واحنا مين ؟؟ وانا مش عارفنى انا مش انا ؟؟ وانا ليه بقول كده اصلا ؟؟ ليه مش فرحان ان الجيش هيمسك وهيخلى الارض جنه وتماثيل رخام عالترعه واوبرا ؟؟ انا عرفت ان العيب فى انا بجد ...سوداوى المزاج وكاره للنجاح وحاقد على الاغنياء عشان ماجتليش فرصه ابيع نفسي ... وانى هرشق فى اول فرصه وده غير الاتهامات المعروفه (طابور...خربتوا البلد ...ممول ....الخ الخ الخ ) ,,,
كل اللى حاسس بكده وكل اللى مش مصدق الكلام الفارغ عن الرفاهيه المزعومه وعارف اننا بننفذ مخطط دولى لاغراق المنطقه فى حرب طائفيه واستنزاف ثرواتها وتقييد الحريات باسم الحرب على الارهاب مكانه زيي فى المعارضه ومهمتنا غير السوداويه والاكتئاب وتلقى الشتايم هى اننا نؤمن بنفسنا وفى فكرتنا الابديديولوجيه ايا كانت يمينى او يسارى ونتكتل على اساسها ونتكلم مع الناس اللى هيفوقوا من حلم الجيش ...الناس دى لازم تفوق تلاقى نفسها نور عينينا احنا ...
مشروع للناس وبرنامج للمعارضه واصطفاف ثورى ... والا كلنا هنصطف جنب بعضنا فى السجن قريب ....
ملحوظه : الاخوان الارهابيون واليمين المتطرف و اليسار المتطرف هم المستفيدين من عدم اتحادنا وتقنيننا للمفاهيم لاننا قد نتشابه معهم فى رفضنا لاشياء ولكن نختلف فى الهدف من الرفض فهم يعارضون لصالح تنظيمهم ونحن نحارض لمصلحه الوطن ...واستمرار الثوره مرهون بالقدره على اقامه معارضه وطنيه حقيقيه ...
وانا اكتب مقالى كان اليوم هو يوم محاكمه الرفاق احمد دومه وماهر وعادل اتعجنوا النهارده ضرب فى قفص محاكمتهم فى معهد امناء الشرطه امام المحامين والصحفيين ولم يصدر القرار بشانهم للان ...
القاضى كالعاده مستنى الامر بالقرار او بلغه المحامين (مستنى التليفون ).....
برغم اختلافى مع ماهر وعادل وحبي الشديد لدومه رغم اندفاعه دائما الا اننا لم نجد من يضرب مبارك او اولاده او حتى مرسي وجواسيسه بالشلاليت والبونيات فى القفص ...
القضايا اللى فيها الشباب كلها كفالاتها من 50 الف جنيه ل100 الف جنيه عشان محدش يطلع وكله بالقانون.
وفى نفس اليوم اخلاء سبيل احمد عز فى قضيه حديد عز الدخيله اللى استولى بيها على حديد مصر كله بكفاله 2 مليون جنيه يابلاش ....
كده القانون بقا اداه انتقام مش عداله ولن تقوم البلد على ظلم تانى ابدا ولن تنعموا بامن ولا امان ...
وتحولت ثوره 25 يناير الى مااستخدمه احد قيادات الجيش ( الاحداث المؤسفه اللى مصر شهدتها فى 2011 ) ....
الندوات التثقيفيه للقوات المسلحه بقت مقرره فى كل النشرات ويوم الشهيد اتحول ليوم النفاق ...
وانا اوجه كلامى فى النهايه للوحيد الذى بيديه ايقاف هذه المهزله ...
للمشير عبد الفتاح السيسي :
بأسم شعب وجيش مصر لا تترشح للرئاسه وخليك فى منصبك الرفيع واحفظ جيشنا من نكسه تفوق نكسته فى 1967 ...
حكم الفرد لا ينتهى الا بكارثه ...ومصر لم تعد تحتمل ..وكلامك وعقليتك لا تبشران بجديد .... خليك فى جيشك وبلاش تدى ودنك للى حواليك .
مصر مش محتاجه حد يكتشفها ولا يخترعها ...مصر محتاجه مؤسسات تديرها وتعيد توزع الثوره على كل ابنائها بالعدل ..وانت وفكرك وكل من حولك لا يفكرون الا فى مصر التى تخصهم فقط ...
الجيش للشعب ومصر المؤسسات لن تبنى بمؤسسه ... والدوله لم تعد موجوده ولم يعطنا الوطن شيئا لنحبه عليه فلا تعتقد ولو لوهله ان كلامك الحماسي الخطابي ممكن يحرك واحد فينا عشان يعمل حاجه مش مقتنع بيها ...
اسلوب التعبويه والاصطفاف انتهى تمام ومتقوليش مصر ليها طبيعه خاصه وبتاع المواطن المصري زيه زى اى مواطن محتاج حاجاته الاساسيه عشان يحس انه مواطن وفكك من كلام منقولش ايه ادتنا مصر ده لانها فعلا مادتناش اى حاجه واللى خدناه منها خدناه بالالم والدم وطلوع الروح .
اذا كنت مقتنع انك تترشح لانقاذ اكبر بلد عربي واقوى جيش فانت بترشحك ستنفذ المخطط كما يريدونه هم وعملائهم فى داخل الوطن وهم كلهم حولك وكثيرووون ...
كلمه لله وللوطن وللشعب .





التعليق والتصويت على الموضوع في الموقع الرئيسي


التعليقات

1 - ليس صحيح
عادل الليثى ( 2014 / 3 / 11 - 05:03 )
كل الكامباوندات اللى فى اكتوبر والتجمع والقطاميه كانت فى الاصل مشاريع لمحدودى الدخل ..وتحولت للمليارديرات .

هذا كلام لا يمت للواقع بشئ ... مجاورة واحده فقط كانت أمام جولف القطامية تم تحويلها لإسكان متميز بدلاً من إسكان شعبى وباعتها الحكومة بأسعار خيالية حسب وقتها .

ليتك تلوم على التعليم والمجتمع الذى أخرج لنا أشباه المتعلمين وأشباه المثقفين وجيوش العاطلين اللذين لا حرفة لهم ولا صنعة سوى التلفيق والكذب والبحث عن سبوبة ... وكف عن إستخدام مصطلح الشباب لأنه مصطلح إخوانى إقصائى هلامى .. كذلك لا تتحدث باسم الشعب فانت غير مؤهل لذلك تحت أى زعم

اخر الافلام

.. تطبيق يتيح خدمة -أبناء بديلون- لكبار السن الوحيدين ! | كليك


.. تزايد الحديث عن النووي الإيراني بعد التصعيد الإسرائيلي-الإير



.. منظمة -فاو-: الحرب تهدد الموسم الزراعي في السودان و توسع رقع

.. أ ف ب: حماس ستسلم الإثنين في القاهرة ردها على مقترح الهدنة ا



.. متظاهرون مؤيدون لفلسطين يلاحقون ضيوف حفل عشاء مراسلي البيت ا