الحوار المتمدن - موبايل
الموقع الرئيسي


يا قلبي

رينا ميني

2014 / 3 / 13
الادب والفن

يا قلبي شو حامل أسرار
ما عدت تعرف ليلك من نهار
بدّك شي بئر ما لو قرار
يشيل عنّك الهموم والأفكار

يا قلبي لا تخبّر عن اللي كان
اللي بعطفك حميته من غدر الزمان
خان العهد نكر الجميل والعرفان
تركك مشلوح على بواب النسيان

يا قلبي لا تحكي عن الهمّ والجراح
صديقك باعك على أوّل محطة وراح
عطيته عمرك وما أخدت إلا الأتراح
من بعد الظلم ما بتجوز الأفراح

يا قلبي لا تعتب على الغريب
أوّل خيبة أمل كانت من القريب
أهلك خذلوك ونسيوا إنّك حبيب
وصرت متل شحّاد بهالكون الرحيب

يا قلبي خبّي حزنك بقلبك ونام
ما عاد يفيدك شكوى ولا ملام
عيش اللي باقي من عمرك بسلام
وانتظر من دهرك الفرج بحسن الختام

---

---

---

التعليق والتصويت على الموضوع في الموقع الرئيسي

---

.. -بيروت اند بيوند- : مشروع تجاوز حدود لبنان في دعم الموسيقى ا


.. صباح العربية | الفنان السعودي سعود أحمد يكشف سر حبه للراحل ط




.. فيلم تسجيلي عن مجمع هاير مصر للصناعات الإلكترونية


.. جبهة الخلاص الوطني تصف الانتخابات الرئاسية بالمسرحية في تونس




.. عام على رحيل مصطفى درويش.. آخر ما قاله الفنان الراحل