الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
قصايد عن البصرة
كامل الركابي
(Kamel Alrikaby)
2014 / 3 / 29
الادب والفن
قصايد عن البصرة
سُخام
چانت ابوجهك تنام
الفخاتي
والعصافير الزغيره
والبلابل
ونسمع من بعيد
تغريد الحمام
وهسه
وجهك
خد نعاوي
وخد سُخام !
النهر
چنت أشوف الماي
ابيض
وده يصعد ع الرصيف
والنهر بي لمعه تعكس
صدف اسماك الخريف
والطفوله
بلايه ثوب أتعوم
وي مجرى نظيف
وهسه
ريحه من العفن
والمدري شنهو
تفتح ابوجهك نزيف !
أم البروم
چنت أشوف
أم البروم الخضره
بيها الليل
صبحين وسهارى
وجنت أشوف العشب بيها
ايغفّي ناس
من الهوى الشرجي
سكارى
وچان صوت البار يسره
ويمنه رنة چاي تصعد
جمره
وي صوت المناره
وهسه
مامن أثر ظل
هيّ والكرنك سوه
گطفة جگاره !
حُر
النهر للسيّاب: انت حُر
تگدر تروح على بيتك
تستريح
وجهك من اسنين
متعوب وحزين
والمطر والريح
فلّت
شٓ-;-د مسامير بصليبك
يا مسيح !
|
|
التعليق والتصويت على الموضوع في الموقع الرئيسي
اخر الافلام
.. عام على رحيل مصطفى درويش.. آخر ما قاله الفنان الراحل
.. أفلام رسوم متحركة للأطفال بمخيمات النزوح في قطاع غزة
.. أبطال السرب يشاهدون الفيلم مع أسرهم بعد طرحه فى السينمات
.. تفاعلكم | أغاني وحوار مع الفنانة كنزة مرسلي
.. مرضي الخَمعلي: سباقات الهجن تدعم السياحة الثقافية سواء بشكل
