الحوار المتمدن - موبايل
الموقع الرئيسي


قصيدة شعر بعنوان - النمرة طلعت غلط -

ممدوح السباعي

2014 / 5 / 3
الادب والفن

تليفوني إمبارح رن رنة
لقيته صوت مليان محنة
قالتلي يا حلوة ملامحك
إيه مش عارفني؟
أنا البت "منة"
سرحت لحد ما وصلت فوق السحاب من فوق
وراسي دارت ولفت واللي تحتي شفته فوق
إنتي طالباني يا ست؟
أنا اللي عمري في يوم ما عرفت بت
أنا حلوة ملامحي؟
يجبر بخاطرك رب الخلايق
ما كنتش أعرف إني واد جذاب وعايق
وتليفوني يرقص من فرحته
والقلب بوداني سامع دقته
والعقل زي ما يكون اتهرش
زي ما يكون راح حتة تانية مش حتته
وفضلت سارح لا أنا عارف أنا ساكت
ولا باتكلم
لا أنا عارف أنا ممدوح ولا مجروح وبتألم
لا أنا صاحي ولا نايم ولا هايم
لحد ما قالتلي مالك يا محسن إنت مش عارفني؟
بصيت لتليفوني وقلت له آه يا واكسني
أنا اللي افتكرت نفسي في حب البنات أكل الزلط
أهي النمرة طلعت غلط

---

---

---

التعليق والتصويت على الموضوع في الموقع الرئيسي

---

.. سكرين شوت | الـAI في الإنتاج الموسيقي والقانون: تنظيم وتوازن


.. سلمى أبو ضيف قلدت نفسها في التمثيل مع منى الشاذلي .. شوفوا ع




.. سكرين شوت | الترند الذي يسبب انقساماً في مصر: استخدام أصوات


.. الشاعر أحمد حسن راؤول:عمرو مصطفى هو سبب شهرتى.. منتظر أتعاو




.. الموزع الموسيقى أسامة الهندى: فخور بتعاونى مع الهضبة في 60 أ