الحوار المتمدن - موبايل
الموقع الرئيسي


ماو قلتوا ثورة كرامة

صلاح الداودي

2014 / 5 / 10
الادب والفن


ماو قلتوا ثورة كرامة
بيرْ شايح ما فيه طْميعة
على فمّوا دم الرجّالة
في قاعوا تِصْلبْتوا جماعة
كركرها حْبل النظام
في قاعو ياما عفاريت
لا تقولوا قرصة وجّاعة
إبْرِك عَحْنش الياسمينْ
إشبِعْ بالجيفة يا جيعان
كمّل حْليبْ الرّضعان
وِزْويتة وُوقيّة دْشيشة
يلّى كمّل المشوار
واللّهْ حَضّرنالك قُطنة
وخاتم تِرْشِقها على ريشة
تْشرّفنا بجاه النظام

ماو قلتوا ثورة كرامة
وين شبّتْ شعرِة عْلي
مشى البَق رْغات بْراغيث
عرفنا اللي انتوما مخانيث
عرفناكم سلعة خدّاعة
خرد تشقشق اتشقشيق
عرفناكم نسْل القوادة
لا منجل يركب على القلة
سخايلتوا غزل البلدية
يِسْلك من ذل القرداش
كي طلعتوا فروخ إصهايْنية
لا يرد تراب على فاس
انتوما ثنية ونحنا ثنية
طاح الكاف تردم الظل

ماو قلتوا ثورة كرامة
وين شبّتْ شعرِة عْلي
الكرطوش موش أمبولة
الشهادة ماهيش أخبار
ربطاتك حلّة محلولة
كُنياتكْ كذب وبهتان
قعدوا معاك عَ الدبوزة
قعدت وحدك عَ المنشار
إلّي فطموه عَ الوْزاكة
يصبح يجري عَ السلطان

ماو قلتوا ثورة كرامة
وين شبّتْ شعرِة عْلي
شاشية على راس نعامة
وِتْعظّمْ عَذيل بْهيمْ
اجريلي النقرانْ حْراش





التعليق والتصويت على الموضوع في الموقع الرئيسي


اخر الافلام

.. عاجل.. تفاصيل إصابة الفنانة سمية الألفى بحالة اختناق فى حريق

.. لطلاب الثانوية العامة.. المراجعة النهائية لمادة اللغة الإسبا



.. أين ظهر نجم الفنانة الألبانية الأصول -دوا ليبا-؟


.. الفنان الكوميدي بدر صالح: في كل مدينة يوجد قوانين خاصة للسوا



.. تحليلات كوميدية من الفنان بدر صالح لطرق السواقة المختلفة وال