الحوار المتمدن - موبايل
الموقع الرئيسي


نا قلت شَقْ خْلا ولا لِمْعاطي

صلاح الداودي

2014 / 5 / 11
الادب والفن

تْبرّيت من اللُّئْمان والهبّاطة
تبريت نا من القواد والوزّاكة
تبريت ملغلمان والرقاصة
تبريت ملمرتزقين والتياسة
تبريت نا من التبّاع واللحاسة
تبريت من البهتان والعفّاطة
تبريت نا من البيوع والمضايع
تبريت ملقطعان والحسّاسة
لا رجلة معاهم تنفع لا كْياسات لا لاباقة
لا حْمِلت قوادين لا كرّاطة
مرزن كرادن لوحهم
مرزن فراكن روحهم
منهم شكون يْبرّح نبّاح ليل نهار والنباحة
ومنهم من باع عمرو سلاطة
حافظينها لغة طحين خلطوا خلاطة
خلّوط بوخلّوط خلطوا خْلوط
خلوقي مِشتْ فلوس ما لمساطة
لا فهمت مبهومين وإلا صنايع
لا فهمت مربوطين في المواثق
لا فهمت مزطولين روث بهيم
لا فهمت موبوئين في محنتهم
لا فهمت سرب جراد جاب جرابع
لا فهمت صبر البل وإلّى ضبابع
لا فهمت ذيب الصحاري طاحت فيه
نا قلت شق خلاء ولا المعاطي
الكنتار أشرف واللي هج والهطّاطة
ملّيت من الثعلوب والحزّوب والضفداعي
راكب عَدَم الناس بالبرْداعي
نا قلت شق خلا ولا المعاطي
لا فهمت شموا بخور حرقوا بلاد
لا فهمت هذا الكل مزمياطة
لا فهمت طابو شعير قالوا سكرنا
لا فهمت بول بعير فاحت ريحَ
ولا فهمت بوبعلّي وْحل فرباطه
لا فهمت هاج وْرَلْ بْلَعُوا بزاقه
نا قلت شق خلا ولا المعاطي

---

---

---

التعليق والتصويت على الموضوع في الموقع الرئيسي

---

.. عاجل.. تفاصيل إصابة الفنانة سمية الألفى بحالة اختناق فى حريق


.. لطلاب الثانوية العامة.. المراجعة النهائية لمادة اللغة الإسبا




.. أين ظهر نجم الفنانة الألبانية الأصول -دوا ليبا-؟


.. الفنان الكوميدي بدر صالح: في كل مدينة يوجد قوانين خاصة للسوا




.. تحليلات كوميدية من الفنان بدر صالح لطرق السواقة المختلفة وال