الحوار المتمدن - موبايل
الموقع الرئيسي


اللِعبة ولّت راسي بْراسَه

صلاح الداودي

2014 / 5 / 11
الادب والفن

ماوْ إنتمْ فشلامة فْياشة
فلوس ودم ونار وشاشة
ماو نحنا نسانا ترّاسة
ماو إنتم صبايحيّة رْياسة
ما نحنا عرايا حفايا وِفْلاسه
ما إنتم غُنيا وكْراشة
ماو نحنا كْيَاسلة وفْراسة
اللعبة ولّت راسي براسة

ماي لعبة هاذيكا هيّ
لعبة لعبها لستعمار
ماو نحنا همْجية زلاصة
ماو نحنا كافية قفاصة
ماو نحنا همامة فراشيش وماجل
كِي ولدنا تربينا أحرار
ماو نحنا قصارنية بْوازيد
ماو نحنا ولاد الشمال ماو نحنا ولاد الجنوب
وزيرو ثمنية واصناديد
سيمة وجبس رصاص حديد
فسفاط زْواتن وحْبوب
انتوما بالاسم ولاد بلاد
ماو نحنا هكاكة هي انتموما علوج لستعمار

نحنا بْغيناها حرية
بغيتوها عْمالة ونْزاسة
ماو نحنا هطّاطة وخمّاسة
انتوما هنشير وْبيليكْ
هديناكم شُهَدا وثوّار
هديتونا غدر ونهب ودولة ثار
تْرى نشوفوا لحساب يجيب


انتوما سراق انتوما رْخاسة
انتوما عساس خلّف عساس عساسة ورثت عساسة
انتوما صبّابة كلاب حْراسة
صبرنا عليكم صبر أيوب
ترى أوزن لحساب يجيب

غدوة الحق يعلّي راسَه
يّعْلى عْلى كلّ القتّالة
غدوة تجيكم الرجّالة
ترجّع حق أمّاليه
نحنا ما نْبيع كِلْبيّاعة
وما نقتل كيف القتّالة
ترى أوزن لحساب يجيب
تُوفى لعبة الاستعمار

---

---

---

التعليق والتصويت على الموضوع في الموقع الرئيسي

---

.. تزوج الممثلة التونسية يسرا الجديدى.. أمير طعيمة ينشر صورًا


.. آسر ياسين يروج لشخصيته في فيلم ولاد رزق




.. -أنا كويسة وربنا معايا-.. المخرجة منال الصيفي عن وفاة أشرف م


.. حوار من المسافة صفر | المخرجة والكاتبة المسرحيّة لينا خوري |




.. -عملت له مستشفى في البيت-.. المخرجة منال الصيفي تروي حكاية م