الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
حيّو وياي هاذَ نايبنه السبع
حذام الحداد
2014 / 5 / 12الادب والفن
حيّو ويــاي هــاذَ نــايـبنــه الســـبع
لو مشــه عالگاع يشــلـعهه شـــلع
بس حِظَه بمنصب تبــاهه على الربع
وتـشمخرعليهم ماندري شنو علومه
لاتســأل على شــهاداتـه الدراسـيَّه
گبل ســنتين چــان بمحو الأمـيــه
وعلى غفــلة صبح خــرّيــج كُلــيـَّه
من مريدي إشتره شهادة مختومه
لبس قاط الحريــر ومــاشي يـتبختر
وأفـواج الحـمـاية دايـره وعســكـر
عالخلگ يتمنظر وبسياره مصفحه
وشيشة عطر گالبهه على هدومه
نايبنه ترشح بس علمود النــفـط
لأنــه اســتاذ شاطر بالتفرهد واللفـط
ولو يـجي علي بابا يسمطه سمط
وبعز الظهر يشَوْفَه بالسمه نجومه
نسه من چان يتحسَّر على الـديـنـار
إترقه حضرته وگام يحچي بـالمليـار
وبلع حگ الشـعب ازغــار وكـبــار
جوعانة تــنام وبــطنـه مــتخومه
مســكين المــواطـن ينـطر الـحصه
حنطـة ملوثة يخــبزهه چـم گرصه
والتــمن گـمل يــســـفي ابـنـصــه
والأفندي قوزي مايــسـد زردومــه
لو نحچي كل العمر الحچي مـيفــيــد
جاز العراقي من العنب بس سلته يريد
كـل يــوم الـقـهـر بـگــليبه ايــزيــــد
وتبچي الــصخـر حــالـته الـمعـدومه
ستوكهولم
12.5.2014
|
|
التعليق والتصويت على الموضوع في الموقع الرئيسي
.. استشهاد الطفل عزام الشاعر بسبب سوء التغذية جراء سياسة التجوي
.. الفنان السعودي -حقروص- في صباح العربية
.. محمد عبيدات.. تعيين مغني الراب -ميستر آب- متحدثا لمطار الجزا
.. كيف تحول من لاعب كرة قدم إلى فنان؟.. الفنان سلطان خليفة يوضح
.. الفنان السعودي -حقروص- يتحدث عن كواليس أحدث أغانيه في صباح ا
