الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
عن قضيه مؤسسه بلادى : ضحايا الرومانسيه الثوريه .
احمد العتر
2014 / 5 / 13مواضيع وابحاث سياسية
بخصوص قضيه مؤسسه بلادى فى شارع محمد محمود واتهامها باستغلال الاطفال فلى شهاده فى هذا الموضوع وانا ليست لى مصلحه شخصيه واعرف القائمين عليها من بعيد كرفقه ثوره بدون معرفه مباشره واشهد لهم بحسن الخلق الثورى والفكر الانسانى المتحضر ... بس هحكيلكم حكايه عن اطفال الشوارع :
انا كنت محامى فى جبهه الدفاع عن متظاهرى مصر لحد يوم 30 يونيو و بعدها تركت المحاماه الحقوقيه لكرهى الفطرى للاخوان .. اغلب الاعتصامات اللى تم فضها من 9 مارس 2011 وحتى اخر اعتصام تم فضه فى عصر الاخوان فى ابريل 2013 اشرف انى كنت فيهم ثائرا ومحاميا ,,وكان الملاحظ ان بعد كل اعتصام يتم القبض على الباقين فيه عندما يقل عددهم وكان عدد اطفال الشوارع بالنسبه للمقبوض عليهم هم نسبه 65 % تقريبا كلهم بياخدوا اخلاء سبيل و30 % باعه جائلين وحراميه ومخبرين واغلبهم كان بياخد اخلاء سبيل بعد مشوار قصير و5 % ثوار حقيقين ودول بعضهم مطلعوش لحد دلوقتى ممن السجون ...
الملاحظ لى ان اغلب او كل القضايا كان اطفال الشوارع فى الفئه العمريه من 12 سنه لما فوق هم اللى بيحكوا لوكيل النيابه كل مايحدث فى الاعتصام .. مين جاب اكل ومين جاب ميه ومين جاب اجهزه صوت ومين جاب وجبات ومين جاب بطاطين ومين مسئول عن المنصه ومين كان بيلف عالبوابات وتوزيع البوابات والحراسه فى الميدان وكان هولاء الاطفال بيسلموا القائمين على الاعتصام بكل اريحيه (تسليم اهالى ) وبدون طلب او الحاح يذكر من وكيل النيابه لدرجه ان احدهم مره اخرجنى عن شعورى من كتر الاسامى اللى قالها واغلبهم اصحابي ومكانوش فى المحضر وقلقت يقول اسمي رحت مقاطعه اما م وكيل نيابه عابدين وهو امر غير قانونى ( قال يعنى فى حاجه كانت قانونى ) : ماشفتش البرادعى كمان جه جابلكم كشري عشان تدى للباشا اكتر من اللى عايزه ونحبس البرادعى بالمره .. برغم ان كل اللى ذكرهم بالاسم هم اللى كانوا بيجيبولهم اكل وملابس وبيعلموهم القرايه والكتابه والرسم كمان ... وسمعت من كذا صديق امنى ان اغلب العيال دى شغالين مع الامن اصلا
.... الخلاصه ان فيه سن معين ماينفعش معاه غير مؤسسه اصلاحيه عقابيه تابعه للدوله طبعا مش زى الاصلاحيات الزباله اللى عندنا بس مينفعش التعامل معاهم بواسطه الجمعيات الخيريه ودول الاطفال فوق12سنه ... والتعامل مع الاطفال دول كانداد والتصديق انهم امنوا بقضيه الثوره عشان قعدوا معانا شهر بنعلمهم تحيا مصر وننزل بيهم كبالغين مظاهره لدعم احمد دومه دعت لها السيده الفاضله زوجته بفكره انهم ناضجين وثوريين هو تصرف غبي وخاطىء تماما وده كان نوع من الرومانسيه الخرقاء اللى تميزاغلبنا كثوريين وضيعت مننا كتير فى معارك جانبيه استنزفتنا ببلاهه صادقه ...
اما الاطفال الاصغر من 12 سنه فممكن التعامل معاهم بطريقه مؤسسه بلادى
.. اما طبعا شغلهم من غير ترخيص فده تقليد قديم للامن بعدم اعطاء التصريح رغم طلبه من قبل الجمعيه وتقديم كل الاوراق والتصاريح اللازمه لتظل الامور فى قبضه الامن والتهمه جاهزه وشهود الاثبات والضحايا هم الاطفال الاكبر سنا اللى بيكسبوا من الشارع والامن اكتر بكتير من مجرد ملابس حلوه وتعليم واكل نضيف ومعامله حسنه ,,, قانون الجمعيات الاهليه لازم يتغير ويجب ان يصر على مراقبه التمويل الشرفاء قبل اى احد لانهم وحدهم المضرورين من تهمه التمويل الخارجى الجاهزه فى الادراج لكل من يتجرا ويفعل مالا يرضى الساده الجدد ...
وفى النهايه يدخل السجون شرفاء الثوره الذين لا يريدون حتى الان ان يتخلوا عن رومانسيتهم الثوريه المفرطه والرغبه الجامحه لتغيير العالم فى 4 دقايق وهو مما جعل كثير منهم الان يرقدون تحت الارض او يرقدون فى غياهب السجون .
|
|
التعليق والتصويت على الموضوع في الموقع الرئيسي
التعليقات
1 - أسئلة
هانى شاكر
(
2014 / 5 / 14 - 23:37
)
أستاذ أحمد
______
أتوجه إليك إذاً بأسئلة ، يتفنن ألجميع فى ألزوغان منها :
1 - لماذا نما عدد ألمصريين إلى 90 مليون
2 - هل هذا ألرقم نعمة أم نقمة ؟ هل حكاية ( ألثروة ألبشرية ) حقيقة أم - هرش مخ ؟
3 - ما هى ألمكونات و ألنسب ألحقيقية للتسعين مليون ( بليونيرات ، مليونيرات ، أغنياء ، طبقة متوسطة ، مستورين ، فقراء ، تحت خط ألفقر )
4 - هل هى خرافات أم تحشيشات أم واقع عملى قابل للتنفيذ :
آ - أطلعوا ألصحراء و أزرعوها
ب - أعملولهم مصانع و شغلوهم
ج - ألعيل بيجى و رزقه معاه
د - مصر غنية بألموارد و تستوعب 200 مليون مواطن
5 - كيف ترى مستقبل مصر وهى تزيد 2 مليون مواطن سنوياَ
تحياتى أستاذنا
....
2 - ,,,رد على اسئله الصديق هانى شاكر
احمد العتر
(
2014 / 5 / 15 - 15:34
)
انا ارى ان التنميه السكانيه فى مصر وهى نتاج طبيعى او معدل زياده طبيعى ومتوقه لعدد السكان فى مصر ويجب على اى شخص يقدم نفسه لرئاسه مصر ان يكون مدركا ان هذه الزياده السكانيه ليست عبئا عليه يعاير به الشعب باستمرار كما كان يفعل المأفون مبارك بل يحب ان تكون هناك خطوات محدده للاستفاده من هذه الزياده كما فعلت دول مثل تركيا او البرازيل او الصين مع وجود خطط فعاله لتحديد النسلوحقيقه الثروه البشريه دامغه ومؤكده وتؤكد نجاحها فى دول كبيره مثل روسيا والدول السابق الاشاره اليها ولكن المفروض الاستفاده من هذه الثروه وتاهيلها والاستفاده منها للارتقاء بالصناعات والمشاريع الصغيره والمتوسطه وكلنا يعرف ان هولاء الناس نسبتهم اقل من 4 % مليونيرات ومتحكميم بكل السوق ومحتكرين للصناعه والتجاره ومالا يقل عن 30 % طبقه متوسطه تعيش على مستوى ثابت يقل باستمرارا واكتر من 66 % تحت خط الفقربكل مستوياته. يمكن ان نعمر الصحراء بخطط واضحه وليس كما تفضلت اطلعوا الصحراء وبدون اى تجهيزات او مساعدات من الدوله وايضا بناء المصانع ودعم المشروعات المتوسطه والصغيره والاهم فتح سوق المنافسه بين الجميع وتشديد قوانين المنافسه المفتوحه
3 - فجر جديد
هانى شاكر
(
2014 / 5 / 17 - 18:36
)
شكراً أستاذ أحمد
مجهوداتك و مجهودات ألتنويريين لن تذهب هباء
فجر جديد سوف يلوح قريباً على مصرنا
....
.. العراق: السجن 15 عاما للمثليين والمتحولين جنسيا بموجب قانون
.. هدنة غزة تسابق اجتياح رفح.. هل تنهي مفاوضات تل أبيب ما عجزت
.. رئيس إقليم كردستان يصل بغداد لبحث ملفات عدة شائكة مع الحكومة
.. ما أبرز المشكلات التي يعاني منها المواطنون في شمال قطاع غزة؟
.. كيف تحولت الضربات في البحر الأحمر لأزمة وضغط على التجارة بال
