الحوار المتمدن
- موبايل
الموقع
الرئيسي
قصيدة (فاكر نفسك )
مينا امين
2014 / 5 / 19الادب والفن
فاكر نفسك وانت صغير وبتتمنى الوقت يجري
الكل شايفك مستعجل وبيقولك ده لسه بدرى
فاكر لما كنت صغير ونفسك مره واحده تكبر
بتكبر نفسك سنه واتنين ونفسك تبان للناس اكبر
فاكر لما كان طموحك تبص لروحك فى المرايا
تلاقى بس زيادة فى طولك او فى عرضك تعمل حكايه
تجرى مره واحده تصرخ والفرحه تكون مش سايعاك
بتدور على اهلك واصحابك وع اللى هنا واللى هناك
عشان تقول كلمه واحده:
انا كبرت
انا قد المسئولية
لو مش مصداقينى جربونى
لو غلطت العيب عليا
وفعلا عدت الايام والبعيد اهو جه وقرب
جه الوقت عشان تعافر عشان تحاول عشان تجرب
ولما جربت مكنتش قد المسئولية
فيه فى حساباتك حاجه ناقصة فيه مغالطة
لو فاكر الكبير كبير بسنه دى اكبر غلطة
الكبير كبير بعقلة وبتفكيره وبكلامه
مهما موج الشر قرب ميقربش من سلامه
هو عارف عايز ايه ؟
هو هيعمل اللى نفسه فيه
لو نفسك تبقى زيه
حب نفسك
حب الغير
اعمل كل حاجه خير
عيشها بصبر وبضمير
وقتها بس هتبقى كبير .
|
التعليق والتصويت على الموضوع في الموقع الرئيسي
.. مت فى 10 أيام.. قصة زواج الفنان أحمد عبد الوهاب من ابنة صبحى
.. الفنانة ميار الببلاوي تنهار خلال بث مباشر بعد اتهامات داعية
.. كلمة -وقفة-.. زلة لسان جديدة لبايدن على المسرح
.. شارك فى فيلم عن الفروسية فى مصر حكايات الفارس أحمد السقا 1
.. ملتقى دولي في الجزاي?ر حول الموسيقى الكلاسيكية بعد تراجع مكا