الحوار المتمدن - موبايل
الموقع الرئيسي


نويت

سعيد الشفتاوي

2014 / 5 / 24
الادب والفن


نويت
نويت أمشي وهيمَنْ ويه الاغراب
بلجت هلزمن يفتحلي فد باب
كضيت من القهر ما ضل بعد راي
إعذروني اذا هدتني دنياي
أنه البيه غميج وما اظن عام
كل يوم اليمر جنه الف عام
دمعتي ختله مذبوحه بسجاجين
يجرح هلدمع كتلتنه االاوهام
محنتي هل الوطن كاعه نزيزه
ما يسمحلي افرح بس حزن تام
ادوس اعله الارض اتوجه بالغيم
مو جنها حقل مزروعه الغام
ماتن كل حروفي الحلوه والنوب
محفوره حفر بلوتنه بالجام
وين امشي اريد الموت افضل
ما ضل بالعمر كمره وامر هام
عوفوني اطر الموت اشريه
ما اريد التفت شلي بالاحلام
شحسب يا ربع جم بلوه بالجيب
من كثر الكبت تاهت الارقام
شصد ياربع -- مثل المطر جن
ما ضل بالعمر كوه ويه الاصنام
ارثيه للعمر وكعه جبيره
ما يرهم دوه والباقي جدام





التعليق والتصويت على الموضوع في الموقع الرئيسي


اخر الافلام

.. نصير شمة في بيت العود العربي


.. مفاجاة صارخة عرفنا بيها إن نصير شمة فنان تشكيلي ??? مش موسيق



.. مش هتصدق عينيك لما تشوف الموسيقار نصير شمة وهو بيعزف على الع

.. الموسيقار نصير شمة وقع في غرام الحان سيد درويش.. شوفوا عمل إ



.. بعيدا عن الفن والموسيقى.. كلام من القلب للموسيقار نصير شمة ع