الحوار المتمدن - موبايل
الموقع الرئيسي


ناذر حياتي وياك

محمد جلاب البديري

2014 / 5 / 30
الادب والفن


إحبك يل تناشدني
وحبنّ ليش أحبنّك
وحطّك جمر بين شفاف باسنّك وبوسنٰ-;-ك
يل كلّك قصايد والشِعِر ناذر حياته وياك
وين ألگاك .. يمته ألگاك
أذب روحي إعله روحك
يا بعد روحي وظل وياك
آنه من شفتك همت بالدنيه حفنه سنين
وكْتَبت تاريخ حُبك بالدواوين
مثل تاريخ أُمّه وبالفِكِر ينقاس أحفضنّك
مدري شلون أحبنّك
..
آنه ماريدك تسافر .. ولاتسافر
ومن تهاجر .. مثل طير النوارس
إرجع الديرة هلك بالغيره أحلفنّك
ظلمة ليل أحس الدنيه بعدك
والفجر من يكسر سواد الليل
هاي اللحظه أشوفنّك
وجذب هيهات أعوفنّك
..
وظل عطشان
وسگيك بدمع نهران
وصيرن غيم يمطر فرح لحزانك
وريدن روحي ماتنجاس بس منّك
وإِذا تاهت الدنيه بلا حديث وياك
أسَكّت كل حروف وكل لغه وكل دين
وظلّن بالأشاره أمسح حزن عنّك
ويصير الدين هو الحُب
ويصير الحّب قبيله بكل وطن
بحضانه أحضننّك
وكتلّني
ودفنّي بسعف نخلات
وخلّي البرحي كلّه إيهل على أيّامي الگِضَت بجفاك
وإذا خلّص زمان الناس بعده سنين أحبنّك
وانه أعرف زمان
الجاي بعد الدنيّه أشوفنّك
وشبگنّك
وشمنّك
وحبنّك





التعليق والتصويت على الموضوع في الموقع الرئيسي


اخر الافلام

.. انهيار ريم أحمد بالدموع في عزاء والدتها بحضور عدد من الفنان

.. فيلم -شهر زي العسل- متهم بالإساءة للعادات والتقاليد في الكوي



.. فرحة للأطفال.. مبادرة شاب فلسطيني لعمل سينما في رفح


.. دياب في ندوة اليوم السابع :دوري في فيلم السرب من أكثر الشخص



.. مليون و600 ألف جنيه يحققها فيلم السرب فى اول يوم عرض