الحوار المتمدن - موبايل
الموقع الرئيسي


فيّ الورد

سامي عبد المنعم

2014 / 7 / 4
الادب والفن

فيّ الورد
سامي عبد المنعم

نايم إبفي الورد ..
وكلك ترافه وهيل
وآنه إبطرگ وحشتي
بدموع أگضّي الليل
مليان گلبي سچچ
تنتظر جيّت ريل
فرهود صارالعمر
ياهو اليمر إيشيل
مصبوغ بابي حزن
وبابك إمرصع شذر
إمطرز قميصك ضوّه
يمطر ورد لو تمر
نايم أو كلك دفو
وإمدثر إبنجمات
وآنه إويه طولك عمر
دامن على الصدمات
خليني لوبالچذب
أدفه إبجمر ثلجك
حته أعرف اليسعدك
وشنو الذي إمضوجك
صافي إنت مثل النبع
بيك الوصف يحتار
بلّور شايل عطر
وإملگّح إبجمار
تارسني خوف أوفرح
مثل اليلاگي ولف
نگضني ظيم الوكت
بمكسراته صلف
صارن إطيوفي غفل
ومضة إويطر الصبح
ملعون ليل السهر
بجروحي ذر الملح
دولاب هذا الوكت
يفترعكس وياي
يابس أو كلي عطش
وبروحي يجري الماي
درويش بيّه رگص
وبراسي طش العشگ
حسّبت كل اليجي
أو ما حسّبت نفترگ

---

---

---

التعليق والتصويت على الموضوع في الموقع الرئيسي

---

.. الفنانة ماري سليمان تؤدي أغنية -في عينك بدور- على مسرح The S


.. مسرحية -شو يا قشطة- تصور واقع مؤلم لظاهرة التحرش في لبنان |




.. تزوج الممثلة التونسية يسرا الجديدى.. أمير طعيمة ينشر صورًا


.. آسر ياسين يروج لشخصيته في فيلم ولاد رزق




.. -أنا كويسة وربنا معايا-.. المخرجة منال الصيفي عن وفاة أشرف م