الحوار المتمدن - موبايل
الموقع الرئيسي


ما يغلبك غير گعّاد الفَي..

سامر رسن الواسطي

2014 / 7 / 18
كتابات ساخرة

مِن حق السيد مهدي الحافظ ومن حق أي نائب اخر أن يُرشح نفسه لمنصب رئيس الجمهورية،ورغم إن هذا النوع من الترشيح يُعتبر أرقى ما توصلت إليه البشرية مِن نظام للحكم إلا إنه لا يصح لا في ديمقراطيتنا المذهبية والقومية ولا في أي ديمقراطية مشوهة اخرى....
وبالنسبة للأخوة المندفعين لتأييد قرار السيد مهدي الحافظ ورغم إنه أبو المثل يگول "ما يغلبك غير گـعّاد الفَي" بس خلي نكون واقعيين ونحسبها حساب عرب....
تعال خويه دكتور مهدي خلي احط أيدي بأيدك ونتمشى ونسولف شوية..
شنو دكتور؟منو گال عنك تخوط بصف الإستكان،وتحچي تسعه بالشهر؟لا خوية الوادم ما تعرف شصاير بالدنيا....
شوف أغاتي أبو صالح،صحيح انه موش مثلك منطلع بالسياسه،بس إذا تريد تصير رئيس للجمهورية فلازم تروح بالأول لمقتدى الصدر وتتنازل عن كم منصب للتيار الصدري،وبعدين تروح لعمار الحكيم وتتفق وياه إنه راح تنطيه كم وزارة،وبعدين ترجع على نوري المالكي وتبصمله بالموافقه على الولاية الثالثه أو تنطيه كم حقيبه وزارية،وبعدين تاخذلك فرة وتروح لأسامة النجيفي وتحلفله بروح ماركس إنه راح توافق على قانون العفو العام وتنطيه وزارة...
تعبت مو؟
طيب ارتاحلك شويه وأشربلك گلاص ماي......
يلا گوم بعد شيبي،هسه تروح لصالح لمطلك وتحلفله بروح عفلق إنه راح تلغي قانون المساءلة والعدالة وتنطيه وزارتين او تلاثه،وبعدين تروح لمسعود برزاني وتتفق وياه على رواتب البيشمرگه وكركوك وتنطيه كم وزارة....
شفت؟تره الشغله مو صعبه..
صدگ هو إنت كم مقعد عندك بالبرلمان؟

---

---

---

التعليق والتصويت على الموضوع في الموقع الرئيسي

---

.. بعد فوز فيلمها بمهرجان مالمو المخرجة شيرين مجدي دياب صعوبة ع


.. كلمة أخيرة - لقاء خاص مع الفنانة دينا الشربيني وحوار عن مشو




.. كلمة أخيرة - كواليس مشهد رقص دينا الشربيني في مسلسل كامل الع


.. دينا الشربيني: السينما دلوقتي مش بتكتب للنساء.. بيكون عندنا




.. كلمة أخيرة - سلمى أبو ضيف ومنى زكي.. شوف دينا الشربيني بتحب