الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
على گد النوم
سامي عبد المنعم
2014 / 7 / 29الادب والفن
طولتلك بال ..
حد گطع النفس
ضنيتك إتحب النده والليل
وحسّبت بأول محبتك ..
تطوي صفناتي أو وحشتي
مادريت ...
إتچمّل الغرگان غطّه
سافرتلك كل محطاتي ..
وبعد ما ضلّت إبروحي محطه
سهله عندك ..مثل چذباتك
إتزاغل بالعشگ
وعادي عندك .. مثل شربة ماي
چلمة نفترگ
لملميت الليل .. وهمومي
ورحت بسكوت
گلت أبتعد عنك وأنسه كلشي
حشميت الغيمه تبچيلك ..
گبل لا يذبل النعناع
ضميت المعاتب ..والسهر..واللوم
گلت أخلي الگلب يمّك..
على گد النوم
مادريت ...
ولنها روحي إبلا گلب وياي تمشي
إشما أصبّر إعيوني ..
تاخذني البواچي
وأيّست ...
مثل برحية .. والملگح نساني
أو شيّصت ...
وإنته كل ساعة إتهزني
إتريد من المامش أنكتلك رطب
إبلا ربيع ..
وخضرت روحي دفو ..
وشگيت طليعة عشگ بين الكرب
وإنتظرتك ...
حتّه لو لفحة سموم إتهب عليه
وحضرت شباچي ..والريحان ..والگمره
على إعناد الصبح
سافرت بيّه المسافات ...
وبعدني آنه إبمكاني
سندباد إبلا سفينه ..
وروحي سفره إبلا سفر
بشوگ أتنطّر مكاتيبك ..
مثل شباچ ومتاني الشمس
مرّه أتسلّه إبدمعتي ..
ومرّه أضحك للقهر
غربة .. وهموم.. وسهر
سنين مرّت ...
وآنه وحدي
آنه وحدي أتنطّر إبليلك گمر
|
|
التعليق والتصويت على الموضوع في الموقع الرئيسي
.. مسرحية -شو يا قشطة- تصور واقع مؤلم لظاهرة التحرش في لبنان |
.. تزوج الممثلة التونسية يسرا الجديدى.. أمير طعيمة ينشر صورًا
.. آسر ياسين يروج لشخصيته في فيلم ولاد رزق
.. -أنا كويسة وربنا معايا-.. المخرجة منال الصيفي عن وفاة أشرف م
.. حوار من المسافة صفر | المخرجة والكاتبة المسرحيّة لينا خوري |
