الحوار المتمدن
- موبايل
الموقع
الرئيسي
ثوار_وثورة !!
شهد أحمد الرفاعى
2014 / 8 / 13الثورات والانتفاضات الجماهيرية
![](https://www.ahewar.org/search/pic/1193a.jpg)
ثوار_وثورة !!
الثوار ليه زعلانين مع انها مش ثورة !!
طيب اللى مش ثوار ليه برضه زعلانين مع انهم مش ثوار !!
و اللى مفرومين فى النص ليه برضه زعلانين مع انهم مش دول و لا دولكهوما !!
و انت ليه بتعمل لايك على كل شتيمة و انت مش فارقة معاك كل الليلة الزرقا دى !!
و انا تاعبة نفسى ليه و متعصبة ع الصبح !!
علشان تعبنا نقول دى مش ثورة يا ناس دى انتفاضة جمال !!
ناس صبرت و فاض بيها خرجت تصرخ و تقول كفاية ظلم لكل ظالم !!
و رجعت بيوتها بعد المغرب !!
لكن كان فى ديابة قاعدين و لابدين فى الميدان بين الشجر و ع النواصى بيفركوا ف الكام شعرة اللى بدقونهم مستنيين الاشارة من كبيرهم !!
و كام واحد برضه حافظ و مش فاهم مشى ورا كذبة ابريل و هم قبضوا و هو مات شهيد التضليل !!
و شوية شباب نفسه يبطل ياخد مصروف من ابوه و هو عدا التلاتين و كام واحد تعب من العزوبية و نفسه يمارس الحلال !!
و كام امورة تعبانة من حياتها و قرفانة من عيشتها خرجت تفش غلبها و تعمل اسقاط ع البلد و اللى فيها !!
و كتير بقى من ولاد و اطفال الشوارع و الكبارى لقوا فيها الحمى و المم و سبوبة و تخليص حق من الدنيا و المجتمع و ناس طاردينهم من الدنيا من غير ذنب !!
كل دول ليهم حق الاعتراض و الثورة و نطق كلمة (( آآآآآآآآآآآآه )) !!
لكن الخونة يمتنعون !!
عارفين مين الخونة ؟؟
اللى كل شوية بوش شكل و قناع يدوب .. يدوروا على قناع يلمعهم اكتر من اللى قبله !!
اللى فى يوم و ليلة كانوا بشبشب بوصباع و لبسوا الجلد الطبيعى و جلد النعام !!
اللى ركبوا عربيات ماركات بعد شعبطة الاتوبيسات !!
اللى عملوها فى البلد و كانت سبوبة مش ثورة !!
اللى كان بيدور على كرسى فى الليلة دى يقعد عليه !!
او حتى كرسى فى البرلمان !!
حاجات كتيير و ناس كتير لعبت دور السمسار و لسه بتلعبه بس بوشوش مختلفة !!
بس ربك يمهل و لا يهمل !!
و اللى مش مصدق يبص لمبارك بعد العز و الجاه و يبص لمرسى بعد ما اتخلع عنه التاج !!
و هى دايرة و كل واحد بيدور فيها بس من كتر الدوران الدوخة واخداه و مش حاسس انه حياخد مكان اللى قبله و السجان يبقى سجين و آهى الايام دول و رجال !!
فى النهاية #انتبهوا لمصر علشان الارض هى الباقية منها خلقتم و عليها عشتم و فيها تلحدون و فى قول اخر تدفنون !!
و عفوا المقال عفوى و بعيد عن اى قواعد للكتابة علشان اللى مش فاهم يفهم !!
و عفوا ان اغضبتكم !!
و لكن هذا قولى .. و استغفر الله لى و لكم !!
بقلم / نجوى عبد البر
|
التعليق والتصويت على الموضوع في الموقع الرئيسي
.. ما هي أبرز التدابير التي أعلن عنها تحالف اليسار الفرنسي في ب
![](https://i4.ytimg.com/vi/uHa2we-zpKo/default.jpg)
.. غلوكسمان: -الشيء الوحيد الذي يجب فعله هو توحيد اليسار- في فر
![](https://i4.ytimg.com/vi/O0YhVdEn2fE/default.jpg)
.. نبيل بنعبد الله، في حوار مع SNRT News حول عمل الحكومة والمعا
![](https://i4.ytimg.com/vi/O1PCUsjJgEY/default.jpg)
.. اليمين المتطرف، اليسار الموحد، معسكر ماكرون.. معركة انتخابية
![](https://i4.ytimg.com/vi/ddfMy-08_Ow/default.jpg)
.. هولندا: فوز اليمين المتطرف يهدد شركات التكنولوجيا.. كيف؟ • ف
![](https://i4.ytimg.com/vi/-aIH1fmqqHU/default.jpg)