الحوار المتمدن - موبايل
الموقع الرئيسي


إحموه لا نموتوه

جورج المصري

2005 / 8 / 13
اليسار , الديمقراطية والعلمانية في مصر والسودان


إسمع ياعم إنت ياللي لابس عمه سوده وبيقولوا لك يا أُسقف . . .
الأسقف: نعم ياسعادة المفتش هشام بيه لٌم القسيس بتاعك إللي إسمه فلوبترا!!! ، تقصد فلوبتير! أيوه أنا عارف بتجيبوا الأسماء دي منين؟ ... ده إسم قبطي ياسعادة المفتش .. إنت حتعلمني! ياسيدي ما أنا عارف إنه إسم مصري! مش حضرتك بتسأل جبتوه منين فأنا إحتراماً لسعادتك بأرد علي السؤال .
نهايته نجيب من الآخر، إحنا عندنا معلومات أمنيه بتقول إنه فيه شوية من المتدينين ( الجماعات إياها ) متضايقين منه لدرجة أنه فيه خطورة علي حياته. ليه هو بالذات ياسعادة المفتش؟ ...
هو أنا لازم أشرح لك كل حاجه!!! إنت حر لو محمتهوش فيه ناس عاوزه تموته.
رد الأسقف طيب ماتمسكوا الناس دي طالما سيادتك عارفهم!!! .
إسمع إنت الظاهر مش فاهمني!!! قعد فلوبتير في البيت شويه علشان مصلحته ومصلحتك. طيب هو عمل إيه بس؟ .. ماقلت لك إنت حتتعب قلبي ليه؟ فيه ناس عاوزه تموته! وبصراحه أنا مش حكون مسئول لومات القسيس ده وذنبه في رقبتك. وبكده إحنا يا حكومه أخلينا أيدينا علشان لما يتقتل متقولوش إننا مقلناش لكم.
طيب يعني سيادتك مش شايف إن ده ظلم!!! نحبس المجني عليه علشان الجاني يبرطع في البلد!!!.
شوف أما أقولك إنت الظاهر مش عاوز تفهم بالذوق إحموه لا نموتوه!!! فهمت اللي يطول لسانه علي عهد الريس ويقول عليه إنه ألعن من الأخوان وإنه منهم. بصراحه لسانه طويل ولازم نقطعهو له ومش حيجي كمان حتة قسيس بعمه يقل أدبه علي أسياده!!! إحنا كويس لسه مخلينكم تمشوا في الشوارع وملبسناكمش طرح لغايه دلوقت.

إيه الحكايه ياسيادة المفتش؟ ايه اللغه الجديده دي؟ دي أول مره أسمع فيها اللهجه دي! ولا أقولك مش أول مره! لكن أول مره أسمعها منك إنت بالذات دا إحنا أكلنا عيش وملح في مآدبة الأفطار اللي عملناها للسيد المحافظ وكان علي رأس الترابيزه سيادة المحافظ و سيادتك ياهشام بيه!!! إزاي يعني في أقل من شوية أسابيع تتغير الأحوال للدرجة دي؟

إنت بتعايرنا بمائدة الأفطار اللي عملتوها لنا ياكافر!!! أكل إيه! وزفت إيه! إنت الظاهر خرفت إنت التاني. إنت بتصدق المظاهر الكدابه دي!!. إسمع والكلام ده نهائي وإلا مش حتشوفوا ساعه عدله!!.
إوقف القسيس ده ومفيش نقاش.
*****
يا سلام يا جورج إنت سمعت الحكايه دي فين؟؟؟ سمعتها فين!!! الظاهر أنك نسيت السنكسار أنا لو فتحته علي أي صفحه حلاقي الحكايه دي متكرره مئات بل ألوف المرات وعلي مدي 1400 سنه ونروح بعيد ليه ، نجيب لكم أسماء القسس اللي إتقتلوا في عهد المرشح المُؤيد وإللِّي إتسجنوا و البنات إللي إتخطفوا و الكنايس إللي إتحرقت و إتسرقت و الأراضي إللي أغتصبت. ولاانتم عارفينها فاكرينها ؟

مخَافَةُ الرَّبِّ بُغْضُ الشَّرِّ. الْكِبْرِيَاءَ وَالتَّعَظُّمَ وَطَرِيقَ الشَّرِّ وَفَمَ الأَكَاذِيبِ أَبْغَضْتُ.
" الرَّبُّ يُقَاتِلُ عَنْكُمْ وَانْتُمْ تَصْمُتُونَ" خروج 14:14





التعليق والتصويت على الموضوع في الموقع الرئيسي


اخر الافلام

.. رياح شديدة وأمواج عاتية.. الإعصار بيريل يضرب الكاريبي


.. الإسكتلنديون غاضبون بسبب تأخر تلقيهم الاستمارات للتصويت في ا



.. الدكتور خليل العناني: الخارجية الأمريكية تحاول حفظ ماء الوجه

.. وزارة الداخلية التركية تفرض إجراءات جديدة في ولايات حدودية م



.. حملة بايدن تسعى لتبديد الشكوك بتبرعات مليونية