الحوار المتمدن - موبايل
الموقع الرئيسي


لتصدگ بخاين مرَّه باعك

حذام الحداد

2014 / 8 / 31
الادب والفن

لتـصـدگ بخايــن مـرَّه بـاعــك
والبـاع برخص يبيع ألـف مـرّه

يسرَّك و أسراره تحطهه أبير
و يمشي وبالهوه سرَّك يذره

موصاحب الياخذ غيبتك بگفاك
ولا صاحب اليطعن صاحبه بظهره

ولا صاحب ليدَوَّر مصلحه ويَاك
وبالشــدايـد منـك ركض يتبــرَّه

وانت شما وفيت وسهلت ممشاه
يغدر بيك وبدربك يحط عــثـره

مثل فحل التوت بس هيبـه تلگاه
ولا تتـرجه منـه تنـطرح ثـمـره

ولو طحت يـوگف ويَّ اليذبحون
ويـكَمّْل ذبحــك أبسچيـن غــدره

ويـكيّف من يشوف الحزن جارك
ويسگيك من كاس الشماته زهر مرَّه

الضرس من يالمك والدوه ميفيد
ماتــرتاح ألا تقــلعه مــن جــذره

ومو كلمن يبچيك تـظـنَّـه ردي
ولا كلمن يضَحْكك تـمشي بأثْـره

چثير من الخلگ طبع الضبع بيهه
وبـثياب الــحمل تـلگـــاها مـدَّثره

وأبو طبع الردي لاتظنْ منّه يجوز
وطبع البـيـه غير الچفـَـن مَيغيره

---

---

---

التعليق والتصويت على الموضوع في الموقع الرئيسي

---

.. -أنا مع تعدد الزوجات... والقصة مش قصة شرع-... هذا ما قاله ال


.. محمود رشاد: سكربت «ا?م الدنيا 2» كان مكتوب باللغة القبطية وا




.. جائزة العين الذهبية بمهرجان -كان- تذهب لأول مرة لفيلم مصري ?


.. بالطبل والزغاريد??.. الاستوديو اتملى بهجة وفرحة لأبطال فيلم




.. الفنان #علي_جاسم ضيف حلقة الليلة من #المجهول مع الاعلامي #رو