الحوار المتمدن - موبايل
الموقع الرئيسي


بعدني......الك اشتاگ

شيرين سباهي

2014 / 9 / 28
الادب والفن

بعدني ألك اشتاگ

وبعدها الروح بيك متلوعة..

وبعد بيا لهفة سنين ...

وبعدني أعشگ موت

وعشگي مثل عشگ جبريل ليوم الجمعة

وبعدهن تصاوريك يبچن أعلى الجفن

مثل حظن رضيع لامه امضيعه


دخليك....

حبيبي أخذ العين والشوف اللي رجعه

هلبت المحك بالطيف

ولو مرة تكسر الجرح وتطلع من ضلعه

معلم گلبي اعلى الصدعات وياك

وادري بك نبي حزن

راضي وأرتضي بيك بهل الزمن بدعة

أنا المشطت صوابك اعلى جرف الليل

هاك جروحي أعلى درب الصبر بعدها مفرعة

يا الجنت تتنفس الهوا بيا

والنفس بيا يمر ومن صدرك زفير أتطلعه

نسيت حظني أذكرك بيه

من شلت گلبي من مچانه

وگلت لك گلبك أهنا ازرعه

عجب مامر بيك دفاني أمس

مو أنت الفتحت الباب اله

وگلك ولفك مشتهي شوفتك

تعال حَضرت الجنازة هلبت أتودعه

صدك مر بيك دفاني أمس

بس شوف أشلون جفوفي

مذبوح بيها الحنين

و أعلى بابك بعدها أصابعي مصدعه

أنا الچنت اعد أنفاسك گبل الهوا

أنا السمعت ونينك گبل ما أنتَ تسمعه

أنا الرفعت الصبر من خاطر الموت

ودگيت مسمار الوله وفنك ياحبيبي أتشلعه

---

---

---

التعليق والتصويت على الموضوع في الموقع الرئيسي

---

.. أنا والست والجيران?? علاقة ممتعة بين مزاج صلاح عبدالله وصوت


.. كل الزوايا - الفنان أيمن الشيوي مدير المسرح القومي يوضح استع




.. كل الزوايا - هل الاقبال على المسرح بيكون كبير ولا متوسط؟ الف


.. كل الزوايا - بأسعار رمزية .. سينما الشعب تعرض 4 أفلام في موس




.. رئيس الهيئة العامة لقصور الثقافة يوضح الاستعدادات لعرض افلام