الحوار المتمدن - موبايل
الموقع الرئيسي


بين هي وهو

جعفر كمال
شاعر وقاص وناقد
(تôôèô‏ ؤôéôم)

2014 / 10 / 18
الادب والفن


شعر شعبي عراقي
-
هي..
مدري أنصت
مدري لبي
مدري لا
مدري أعزف عن سكوتي
وارتمي بحضنّهَ ولا ارضى بسواه
مدري آنه وياه نتخاوه علَ آه
شنو أنسى
أنسى هزات المشاعر، الونست عيني بضياه
أنسى كل ذيج المحنه؟
الحطت الروحين في زورق إلي وحدي بناه
شلون أنسى
وآنه أمشي وياه طول العمر عميه
ومن حلاة الروح أتمنى رضاه
ولو رسملي الدرب هو اللي يريده
تشوفني من بعده أمشي بهيبته وأتبع خطاه
شلون أنسى
وآنه خليت العمر محبس بجَفْهّ
وعاشرت اجنون عشك اللي يوَّدْهَ
خلي كل الناس تعرف
احْبَيْبِي من زغره إلي محد خذاه
***
هو..
وآنه شَنْسّى ..
أنسى لمسة إيده
ورعشة نَفَسْهَ
انسى دمعة عينه الهزت رمشه
شوف وتباصر يا سائل
بعد كل عمر التعده صرت مجنون عل حسهَ
وأدري أنفاس الأشمه دولبت عمري بِوِنَسّهَ
أدري، أدري
أدري ضمني الشوك إلها بس تدنت
بس تنهدت
من تحيرت
بس تونست
من تجلت لهثة الشمه صرت مجنون رِسَهَ
ومن اجيسنهه أرَجَفْ كل ملامسها التهزهَ
وبحضن دايم دفو، يَمْ كلبي حبسته
كلي شنسه
أنسى نظرات الجوتني بس شفته
أنسى شعر اللي كتبته بس تلاكينه باَمْسِهَ
شلون كلي يا حبيبي، وشوف ضَيَمْ البعد هدني
الوحده ظلمه..
تْصَبحْ وتمسي مثل كل يوم يتعده ولا جنه لِمَسْهَ
آنه شاكي وهي خرسه
كالت الدنيا الجبيرة عذبتني
وطشت بوجهي المأسه
وغَمْضَتْ كل عين تتمنالي وَنِسَّهَ
شلون أنسى؟
وشنهو يا المدلول بعد اللي كيظته وياك
من عمري الطويل
ونسه تتلاكه ويَ ونسه
وتريد أنسى
شلوووووون أنسى؟
=





التعليق والتصويت على الموضوع في الموقع الرئيسي


اخر الافلام

.. حكايتي على العربية | ألمانية تعزف العود وتغني لأم كلثوم وفير

.. نشرة الرابعة | ترقب لتشكيل الحكومة في الكويت.. وفنان العرب ي



.. عوام في بحر الكلام - الشاعر جمال بخيب: أول قصيدة غنتها أم كل

.. عوام في بحر الكلام - الشاعر جمال بخيت: أول من أطلق إسم سوما




.. عوام في بحر الكلام - الشاعر جمال بخيت: أغنية ياليلة العيد ال