الحوار المتمدن - موبايل
الموقع الرئيسي


للأخ المسافر.. إليهم جمعاء

مختار سعد شحاته

2014 / 11 / 17
الادب والفن


رابط على رجله حلم صغير، وف رجله التانية عكاز م المعدن،
وبعيد منه قريب جدا بنوته بتضحك ومعاها صحابها
بتقول كان ممكن يربطني ف حلمه أو يتعكز على كتفي
ولو يوم زعلني ممكن أرسم وش بيضحك وأتخبى ف رسمي
الشنطة بعجلاتها كانت مش عايزة تسافر لكن مضطرة
من إمتى شنطنا اللي تسافر كان ليها خيار تستنى؟!
رخام الصالة كان أملس من كتر ما سافر ناس من فوقه وجروا شنطهم
البنت انشغلت ف التليفون مع إن الوضع ساعتها كان صامت مخنوق بالبوح
حاول يحضنها ويسيب الطفل أمانة لكن منفعشي
كان لازم يبعد ويسلم باسبوره لظابط جوازات الغربة
مع إنه ف يوم محلمش يسيبها قدام الصالة ولا فكر يبعد
لكن كان حتما هيسافر
علشان مش حمل يجرح تاني في جمال اللوحة اللي بترسمها عشانه
ومع إن اللوحة مكنشي ف تفاصيل قماشتها صورة عكازه وطفله
لكن كان ممكن تتعاد الرسمة عشانه وتكون مرتاحة بتفاصيل أضيق
دلوقت هتفضل كل أما تشوف الخط الأبيض اللي بيجري ورا طياره وميحصلشي مطارها
هتفضل فاكرة تفاصيلهم ولا ترسمهاش
علشان الصورة دايما ناقصة لتفصيلة محلمهاش

مختار سعد شحاته
Bo Mima
روائي
مصر/ الإسكندرية





التعليق والتصويت على الموضوع في الموقع الرئيسي


اخر الافلام

.. أون سيت - اعرف فيلم الأسبوع من إنجي يحيى على منصة واتش آت


.. أسماء جلال تبهرنا بـ أهم قانون لـ المخرج شريف عرفة داخل اللو



.. شاهدوا الإطلالة الأولى للمطرب پيو على المسرح ??


.. أون سيت - فيلم -إكس مراتي- تم الانتهاء من تصوير آخر مشاهده




.. أون سيت - فيلم عصابة الماكس يحقق 18 مليون جنيه | لقاء مع نجو