الحوار المتمدن - موبايل
الموقع الرئيسي


وسيم بغداد

حذام الحداد

2014 / 12 / 22
الادب والفن



يلنورَك طغَه وطش علَه كل الكون
يعبعوب الوَسيم وساحر النسوان
يلحسنك أبد ماوصل يوسف ليه
وما يلحگك والله حته دون جــوان
مو حقّه الوطن لو يتفاخر بيــك
إذا صيتك وصل للصين وطهران
گمر انت وضوّه بسمه بغــــداد
بعد ماغاب عنهه الگمر من زمان
سبحان ربّي اللي تمعمَر بيـــك
وماخلق مثلك بين الإنس والجان
يمزَحزح الصخرة ومنهو غيرك
بطل مهيوب عدنَه ولا سوبرمان
أخاف عليك من عين اليحسدون
يبو چف الذهب وفارس الفرسان
خلْ بغـــداد كلهه تـغرگ تفيــض
المهم حسنك يظل ويقهر العدوان
ندري بالوطن هواي أبطال عنده
بس مثلك منوجد بيــهم ولا چان
أريد وياك صورة تــبقه تـــذكار
وللتـاريخ تروي همّة الشجعان





التعليق والتصويت على الموضوع في الموقع الرئيسي


اخر الافلام

.. كيف يمكن للإعلام الموسيقي مساعدة ودعم القطاع السياحي في لبنا

.. هتاف لفلسطين خلال حفل غنائي لفنان بورتوريكي في إسبانيا




.. يطلب من الجمهور الدعاء له.. الأب بطرس دانيال يكشف تفاصيل الح

.. مريض عراقي يعزف ويغني لأم كلثوم أثناء إجرائه عملية جراحية في



.. صباح العربية | مريض عراقي يغني لأم كلثوم أثناء خضوعه لجراحة