الحوار المتمدن
- موبايل
الموقع
الرئيسي
اعتراضية ( ولا أقول عنها قصيدة) لقصيدة اعتراضية الشاعر راسم المراوني(هسه ارتاح) على قصيدة(ما مرتاح) شاعرنا الكبير كاظم إسماعيل كاطع..............
عبد الصمد السويلم
2014 / 12 / 23الادب والفن
لا ترتاح
رش ملح على جرح الشوك ولا تندم
ولا ترجع وظل راوح
بمجانك
وانت طلابة الطلايب
وصيحة الصايح
لا تبرد ولك وانهد
على الضيم
واصرخ صرخة الرايح
بشوك المعيدية احلفن وبالريل
الوكف من ضاع الطريج
وشل الكف على الزناد
اللي ما وج
لا ترتاح على الضيم
وانت الي ما كسرك سجن ولا حيف
وانت الشمس وانت الكمر
والحيل
وانثر روحك هيل بالرواح
وضم لوعتك
بدرب الوفا
من كال ضاع الحل
وبالرحيل ماكو حل
ابقى ولاتهاب الفشل
ابقى ما تموت
وما تطيح
من فدوة لشوفتك وذاك العمر
اللي راح
نصفك راح على الراح
من بقيانا
نجفل من الصوت
والعبرة موت
ما هزمنا وما نسينا ذاك العشك والشوك
لا ترتاح لونينك روح
وعمر
وريحة التفاح
يادايس المكير بدرب الريل
ورحت للمامش بمماش
اوما وجه بالليل
هم نسيت
واشلون تنسى
وين تروح
وهو وياك
بيك يروح وما يروح
يامات الجسد وما شالك الروح
وين تروح
لاترتاح من ترتاح تموت وانت ما تريد تموت
الموت ذلة
هم شفت ياعاشق
شوك ايموت
اهي عبرة بحر بالطوفان
بوجه الليل
والحن بالله كللي
ياكاع تكدر تشيلك
وتعبر
وتظل
من صوب لصوب
لاتمل
ولاتكل
ولا يرحل الشوك
تريد ترتاح
ودم الغدر يرتاح
ودم الطفل يرتاح
ودم الشرف يرتاح
وانت على سجن الظلم
مفتاح
من كال الحر يسجن
ظلم نفسه
ومن كال ترتاح
امس ولو هسه
وتنطر لبعيد ايودك الكلب
للكمر بليلة اللي متيهه الدرب
وبياكبر تعيش مرتاح
افتح للسواقي كلوب
ولا تنسى اهي
عبرة ليل اظلم
من عين المحب ومن رمشه
واتسودد شعر
واتنفس الهمسة
أي يبقى العشك ما يموت
ومن يموت العشك عود ارتاح
لا ترتاح
|
التعليق والتصويت على الموضوع في الموقع الرئيسي
.. غياب ظافر العابدين.. 7 تونسيين بقائمة الأكثر تأثيرا في السين
.. عظة الأحد - القس حبيب جرجس: كلمة تذكار في اللغة اليونانية يخ
.. روبي ونجوم الغناء يتألقون في حفل افتتاح Boom Room اول مركز ت
.. تفاصيل اللحظات الحرجة للحالة الصحية للفنان جلال الزكى.. وتصر
.. فاق من الغيبوية.. تطورات الحالة الصحية للفنان جلال الزكي