الحوار المتمدن - موبايل
الموقع الرئيسي


مصر تحارب الالحاد !

احمد العتر

2015 / 1 / 12
مواضيع وابحاث سياسية


لم يعد هناك فى مصر مايذهلنى ابدا لا مصر الرسميه ولا الشعبيه ,,
فبينما يحضر وزير خارجيتها مظاهره عالميه ضد الارهاب فى باريس ومع حريه الرأى والتعبير ( حضرها مجرموا حرب اسرائيليون بالمناسبه ) ,, تحكم احدى محاكمها على شاب صغير السن بتهمه ( الالحاد علنا على الفايس بوك )!!
مااستفاده الاسلام عندى من حبس الشاب هو نفس مااستفاده من قتل 12 صحفى فرنسي !!
مزيد من الكراهيه للاسلام والمسلمين .
لا يوجد ماده فى القانون المصري تعاقب على الالحاد نفسه ,,,, بس فيه نص فضفاض يبيح سجن كل من اذاع او نشر مواد او صور او كتابه مسيئه للاديان او الشخصيات العامه او النظام العام للدوله من سنه الى 3 سنوات مشدد ودى اللى اتسجن بيها مايكل منير لو تفتكروه فى اوائل 2011 بسبب رفضه للتجنيد الاجبارى.
اى ان القانون به ماده تقضى بحبس كل من قال لا فى وجه من قالوا نعم ....
المخيف كانت التعليقات على خبر حبس الشاب الذى لا اعرفه ولا اتفق مع قناعاته فانا مسلم وموحد بالله ومؤمن بالرسول محمد صلى الله عليه وسلم كخاتم للانبياء فقد كانت التعليقات من نوعيه : اقتلوهم كالكلاب قبل ان يتكاثروا !!
وانا ضد قتل الكلاب ,, فما بالك بالبشر !!
لو اننا فى دوله محترمه لحبس المتهمون بالتحريض على قتل الكلاب والبشر وخرج من يقول رايه بسلام وفى مساحته الخاصه ..
اؤمن ان دينى قال فى القران وهو الكتاب المقدس والمرجع لجميع المسلمين ( من قتل نفسا فكأنما قتل الناس جميعا ,, ومن احياها فكانما احيا الناس جميعا )
وقال ايضا ( لِيَحْمِلُوا أَوْزَارهمْ كَامِلَة يَوْم الْقِيَامَة وَمِنْ أَوْزَار الَّذِينَ يُضِلُّونَهُمْ بِغَيْرِ عِلْم) ..
اى ان الدين مش هيسمينى ولا هيحكم على ولا هيقفل فى وشي الباب الا يوم القيامه ,,,
لكن للاسف الدين ابتلى بارباب يصدرون الاحكام فى الدنيا ويتالهون على الله تعالى بذريعه فهمهم الخاص بالدين !!
هم الكهنه رغم ان الاسلام ليس به كهنوت !! ولكن اكل عيشهم .
انا متكلمتش عن رايي ابدا او حياتى او قناعاتى الدينيه انا بس اتكلمت فى حق كل انسان ان يكتب مايريد طالما مااذاش حد او اجبره على اتباع ما يقوله ,,, بدافع عن حريه التعبير وخصوصا لو عكس مااؤمن بيه ,, بحارب الفكره بالفكره لان الافكار هى اللى بتنتصر انما الرصاص والقتل بيقوى الفكره المعارضه وبيحييها ,, لو عايز تواجه الالحاد واجهه بسماحه الدين ومعانيه الحقيقه ( لو كنت فظا غليظ القول لانفضوا من حولك ) قران كريم ...( وجادلهم بالتى هى احسن ) قران كريم ,,, تجرأوا على التجديد زى الامام الشافعى ماكان بيقول عن راى من سبقوه هم رجال ونحن رجال ,, او ابو حنيفه ( رايي صواب يحتمل الخطأ وراي غيرى خطأ يحتمل الصواب ) .
انما كل ما واحد ملحد يتحبس او يتقتل او يطلع فى برنامج مع شيخ مخنوق من نفسه وعمال يشتم اعرف انك بتضر دينك ايا كان وبتخلى الالحاد ياخد نقطه ...
احترام وتقديس الحياه البشريه وحرمتها ,,, وحريه التعبير السلمى الخاليه من التحريض على الاخر وحق حريه الراى للجميع فدى قيم انسانيه اؤمن بها للجميع ايا كان رايهم او معتقداتهم بصفتى الانسانيه .
ضد ماذا تحارب مصر الان بالظبط ؟؟ ضد الارهاب الذى لم نعرف له الى الان مسمى او تعريف محدد او تحارب الالحاد لارضاء السلفيين حلفائها الوحيدين فى الشارع.
!! ممنوع على المصريين ان يعرفوا شيئا لان الامر بمنع النشر جاهز دائما ولكنهم لا يعرفون دائما انه لا يوجد اوامر لمنع انتشار الافكار حتى لو كتبها لهم الشيطان نفسه .





التعليق والتصويت على الموضوع في الموقع الرئيسي


التعليقات

1 - يا مصر انت امى
هانى شاكر ( 2015 / 1 / 13 - 01:05 )

يا مصر انت امى
__________

يا مصر انت امى .. ام البلاد و الباد
شيلتينى وشيلتى همى .. و فردتى الكسا و الزاد
لكن حكموكى الغيلان .. مماليك على اوغاد
خربوا البشر و الحجر .. و حجتهم الالحاد

و عجبى

...

2 - طبعأ الدولة تقبض على الملحد
مجدي محمدى ( 2015 / 1 / 13 - 22:11 )

طبعأ الدولة تقبض على الملحد اللى محدش عرف انه ملحد غير لما دخل السجن. لكن السلفى اللى عمال ينعر طول النهار وينشر فكره الارهابى- بنصوص ابن تيمية- وتركيبته الكئيبة الخارجة من مقابر التاريخ الاسود التى حين تراها لا تجد افضل من تعبير -يحيي العظام وهي رميم- هو طليق يعبث بالوطن.

3 - افهم اسلامك اولا
على سالم ( 2015 / 1 / 14 - 00:57 )
سيدى الكاتب يبدو انك مسلم سطحى غير متعمق وغير فاهم لعقيدتك ,ارجو ان تعرف ان كل الايات المسالمه التى ذكرتها عن الاسلام كلها ايات منسوخه اى غير صالحه ,ربما لاتعرف معضله الناسخ والمنسوخ فى الاسلام ,اى شخص فى كامل قواه العقليه درس كارثه الناسخ والمنسوخ والايات التى تناقض بعضها البعض سوف يلقى القرأن فى صندوق الزباله

اخر الافلام

.. فولفو تطلق سيارتها الكهربائية اي اكس 30 الجديدة | عالم السرع

.. مصر ..خشية من عملية في رفح وتوسط من أجل هدنة محتملة • فرانس




.. مظاهرات أمام مقر وزارة الدفاع الإسرائيلية تطالب الحكومة بإتم

.. رصيف بحري لإيصال المساعدات لسكان قطاع غزة | #غرفة_الأخبار




.. استشهاد عائلة كاملة في قصف إسرائيلي استهدف منزلا في الحي الس