الحوار المتمدن - موبايل
الموقع الرئيسي


عيب ياجيمي ما تقلش لا ...ادي لدادي زقه

جورج المصري

2005 / 9 / 14
كتابات ساخرة


قيل ان الرئيس المنتخب ماهو الا شوخشيخه في يد البعض ، وعلي الرغم من ان اللي هو في ايدهم مش اغراب الا ان الحقيقه بتوجع .
علي الرغم من انني لااتفق مع من يتهمون اسرتك بانها اسره كان الجد فيها رجل مناكف محدود العقل هذا بالطبع كانوا بيتكلموا عن الجد العربي المتمصر اما الجد الانجليزي اعتقد انه من الصعب ان يقولوا عليه ماقالوه علي العربي المتمصر .
بعد هذه المقدمه التي اود منها ان اؤكد لكم كل التأكيد انني لست من اصحاب الاقلام الصفراء او الاقلام الارزوقيه التي تستجدي الدولار الملوث بالجاز او حتي اعاير الشخص بأن جده كان حاجب محكمه او جده التاني كان سواق عربيه نقل وخاله عامل بسيط في مصنع البان الحقيقه لايضر الانسان اطلاقا ان يكون اصله متواضع انما يضر الانسان ان يكون هو وضيع في تصرفاته ويتحكم في ابوه لااعتقد ياجيمي انك تتحكم فيه انما هذا بحكم العاده الراجل لما يكبر بيسيب الدكان لولاده بس المره دي الدكانه هي مصر وشعبها وثرواتها والاهم من كل ده مستقبلها الاجتماعي بين ايديك . مش عيب ابدا انك تكون الرئيس الفعلي اهلا ومرحبا بأبن الراجل الكبير بس ياجيمي هذه فرصتك الاخيره للاصلاح الاجتماعي اللي لامؤاخذه ابوك الراجل الكبير خربه من ماشيه مع أصدقاء السؤ من اول الملك المتوج حديثا الي مورد الرقاصات و الملاح لاهل الدولار المزيت وتابعه قفه ومعاهم في الزفه سياده اللواء اللي الست حرمه مطلعه البلاء و البلا علي جتته وهو مطلع بلاويه علي الشعب الغلبان .
تعالي نشوف تقدر تعمل ايه للرئيس المنتخب وقبل ما تحاول تعمل حاجه لازم تكون انت كمان منتخب يعني ياجيمي لازم تدخل انتخابات مجلس الشعب عن دائره مصر الجديده ماهو برضه انت منها وهي منك وعلي الاقل اصحابنا بتوع نادي الطيران و الجلاء والشمس ويمكن هليوبليس يفرحوا لما يشوفوا ان فيه امل من شباب النوادي انه يكون شباب ناهض ، علي كل حال انكل الجمسي كان بيحب الكروكيه في هليوبوليس ودادي قفل له بقه في اخر ايامه لانه كان بيسمعه وهو في حجره النوم وهو جايب في سيرته في اواخر ايامه.

صدقني انا مش بتريق عليك ولابتمسخر منك انا بس حزين علي بلد يكون مستقبلها مظلم للدرجه دي عك في عك ومحدش عارف لها صاحب بصراحه ياجيمي ان اخر حاجه اتخيلها انك ماتمدش يد المساعده لدادي حسني وتخلي صورته قدام الناس انه طرطور وأبنه ومراته انتي سوزان ممشينه في اواخر ايامه علي فكره مش معني ان مده الحكم 6 سنين معناه انه حيكملهم انما الاعمار بيد الله الحق نفسك ياجيمي وصلح من الهبابي اللي دادي هببها ومتنساش تشوط انكل صفوت بالشلوت علي الاقل يكون منه فايده في الاخر يلمع لك جزمتك ياريس جيمي.





التعليق والتصويت على الموضوع في الموقع الرئيسي


اخر الافلام

.. مصدر مطلع لإكسترا نيوز: محمد جبران وزيرا للعمل وأحمد هنو وزي

.. حمزة نمرة: أعشق الموسيقى الأمازيغية ومتشوق للمشاركة بمهرجان




.. بعد حفل راغب علامة، الرئيس التونسي ينتقد مستوى المهرجانات ال

.. الفنانة ميريام فارس تدخل عالم اللعبة الالكترونية الاشهر PUBG



.. أقلية تتحدث اللغة المجرية على الأراضي الأوكرانية.. جذور الخل